India vs New Zealand 2nd Test in Pune: भारत विरुद्ध न्यूझीलंड संघात पुण्यात सुरू असलेल्या दुसऱ्या कसोटीत यशस्वी जैस्वालने शानदार फलंदाजी करत अर्धशतक ठोकले आणि अनेक विक्रम केले आहेत. या सामन्यात न्यूझीलंडने भारतासमोर ३५९ धावांचे लक्ष्य ठेवले होते.
या लक्ष्याचा पाठलाग करताना भारताकडून दुसऱ्या डावात जैस्वालने ६५ चेंडूत ९ चौकार आणि ३ षटकारांसह ७७ धावांची खेळी केली. या खेळीत त्याने ९ चौकार आणि ३ षटकार मारले. जैस्वालने आक्रमक खेळताना ४१ चेंडूतच त्याचे अर्धशतक केले होते. त्यामुळे न्यूझीलंडविरुद्ध कसोटी भारताकडून सर्वात जलद अर्धशतक ठोकण्याचा विक्रम त्याने केला.