माझ्या वडिलांना Mental Issue आहे ! Yograj यांच्या धोनीवरील 'गंभीर' आरोपानंतर युवीचा Video Viral

Yuvraj Singh Old Video : युवराज सिंगचे वडील योगराज यांच्या वादग्रस्त व्हिडीओने कालचा दिवस गाजवला... महेंद्रसिंग धोनीवर त्यांनी गंभीर आरोप केले आणि त्याला कधीच माफ करणार नसल्याचे म्हटले.. योगराज यांनी १९८३च्या वर्ल्ड कप विजेत्या कपिल देव यांनाही नाही सोडले. योगराज यांच्या वादग्रस्त वक्तव्याची चर्चा सुरू असताना युवराजचा जुना व्हिडीओ व्हायरल झाला आहे आणि त्यात तो वडिलांच्या मेंटल हेल्थबाबत बोलताना दिसतोय...

MS Dhoni ने मुलाचं आयुष्य उद्ध्वस्त केलं...

''मी धोनीला कधीच माफ करणार नाही. त्याने त्याचा चेहरा आरशात पाहायला हवा. तो खूप मोठा क्रिकेटपटू आहे, परंतु त्याने माझ्या मुलासोबत जे केलं, ते आता समोर येत आहे. या माणसाने माझ्या मुलाचे आयुष्य उद्ध्वस्त केले. तो आणखी ४-५ वर्ष सहज खेळला असता. युवराज सिंगसारखा खेळाडू होणे नाही, असे गौतम गंभीर व वीरेंद्र सेहवागने म्हटले आहे. कॅन्सर असताना तो खेळला आणि भारताला वर्ल्ड कप जिंकून दिला, त्याला भारतरत्न द्यायला हवं,''असे योगराज म्हणाले. Zee Switch YouTube चॅनेलला त्यांनी मुलाखत दिली.

कपिल देव यांच्यावरही टीका...

१९८१ मध्ये कपिल देव यांनी आपल्याला संघातून बाहेर केल्याचा दावा योगराज यांनी केला होता. कपिल मला त्यांचे सर्वात मोठे स्पर्धेक मानत असल्याचेही ते म्हणाले. त्यांनी म्हटले, 'मी त्या वक्तीबद्दल बोलत आहे, तो व्यक्ती म्हणजे तुमचा सर्वकालिन दिग्गज कर्णधार मिस्टर कपिल देव. मी त्याला सांगितले होते की मी तुझे ते हाल करेल की जग तुझ्यावर थुंकेल. आज युवराजकडे १३ ट्रॉफी आहेत आणि त्याच्याकडे फक्त एक वर्ल्ड कप.'

युवराज सिंगचा व्हिडीओ...

योगराज यांच्या मुलाखतीनंतर आता युवराज सिंगचा नोव्हेंबर २०२३ चा व्हिडीओ व्हायरल झाला आहे. यात तो BeerBiceps पॉडकास्टवर त्याच्या वडिलांबद्दल विधान करताना दिसतोय... त्यात त्याने म्हटले होते की, माझ्या वडिलांमध्ये मानसिक समस्य आहे आणि त्यांना त्याचा स्वीकार करायचा नाही. यावर त्यांनी लक्ष द्यायला हवं, परंतु ते हे मान्य करत नाहीत.''