Youngest player in IPL Mega Auction : इंडियन प्रीमिअर लीग २०२५ च्या मेगा ऑक्शनसाठीच्या अंतिम ५७४ खेळाडूंची यादी BCCI ने शुक्रवारी जाहीर केली. २४ आणि २५ नोव्हेंबर रोजी जेद्दाह येथे होणाऱ्या मेगा लिलावात या अंतिम ५७४ खेळाडूंवर बोली लावली जाणार आहे. इंग्लंडचा महान वेगवान गोलंदाज जेम्स अँडरसन हा या यादीतील सर्वात वयस्कर ( ४२ वर्ष) खेळाडू ठरला तर बिहारचा फलंदाज वैभव सूर्यवंशी हा सर्वात तरुण ( १३ वर्ष) खेळाडू ठरला आहे. डावखुऱ्या फलंदाजाला अनकॅप्ड फलंदाजांच्या श्रेणी (UBA9) अंतर्गत ६८वे स्थान दिले आहे आणि त्याचे लाइनअपमध्ये ४९१ व्या क्रमांकावर नाव आहे.