Yuvraj Singh Lok Sabha Election Gurdaspur : अवघ्या काही दिवसांवर देशात पुन्हा लोकसभेच्या निवडणुका होणार आहेत. यावेळीही क्रीडा जगतातील अनेक दिग्गज खेळाडू निवडणुकीच्या रिंगणात उतणार आहे. गेल्या काही दिवसांपासून टीम इंडियाचा माजी दिग्गज अष्टपैलू खेळाडू युवराज सिंगबद्दलही अशा बातम्या येत होत्या, ज्यामध्ये असा दावा करण्यात आला होता की माजी क्रिकेटपटू पंजाबमधून निवडणूक लढवण्याच्या तयारीत आहे. आता खुद्द युवराज यांनी या प्रकरणी मोठी घोषणा केली आहे.
अलीकडेच वेगवेगळ्या मीडिया रिपोर्ट्समध्ये असा दावा करण्यात आला होता की, पंजाबच्या गुरुदासपूरमधून भाजप युवराज सिंगला लोकसभा निवडणुकीचे तिकीट देऊ शकते. पक्षाच्या काही वरिष्ठ पदाधिकाऱ्यांनी या दिग्गज क्रिकेटपटूची भेट घेऊन याबाबत चर्चा केल्याचे वृत्त आहे. पण त्याने हे दावे खोटी असल्याचे ट्विट करून सर्व अफवा आणि अनुमानांना पूर्णविराम दिला आहे.
युवराज सिंगने शुक्रवार 1 मार्च रोजी त्याच्या अधिकृत 'X' खात्यावर एक पोस्ट टाकून ही बाब स्पष्ट केली. तो म्हणाला की, मीडिया रिपोर्ट्सच्या विरोधात. मी गुरुदासपूरमधून निवडणूक लढवत नाही. गरजू लोकांना विविध माध्यमे आणि क्षमतांद्वारे आधार देणे आणि मदत करणे ही माझी आवड आहे आणि मी माझ्या फाऊंडेशनच्या माध्यमातून हे करत राहीन.
युवराजच्या आधी अनुभवी फलंदाज गौतम गंभीरने 2019 च्या लोकसभा निवडणुक लढला होता. आणि पूर्व दिल्लीतून विजय मिळावला. गंभीरप्रमाणे युवराजही लोकसभा निवडणुकीपासून सक्रिय राजकारणात उतरेल, असे मानले जात होते, परंतु आता तसे होताना दिसत नाही. मात्र, गुरुदासपूरची जागा अजूनही भाजपकडे आहे, जिथून प्रसिद्ध बॉलिवूड स्टार सनी देओल खासदार आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
