.jpg?w=480&auto=format%2Ccompress&fit=max)
India vs Zimbabwe 5th T20I: झिम्बाब्वे विरुद्ध भारत संघात टी20 मालिकेतील पाचवा आणि अखेरचा सामना रविवारी (14 जुलै) हरारे येथे होत आहे. या स्पर्धेत भारतीय संघाने झिम्बाब्वेसमोर विजयासाठी 168 धावांचे लक्ष्य ठेवले आहे.
या सामन्यात भारतीय संघाने प्रथम फलंदाजी करताना 20 षटकात 6 बाद 167 धावा केल्या. भारताकडून संजू सॅमसनने अर्धशतकी खेळी केली.
या सामन्यात झिम्बाब्वेने नाणेफेक जिंकून प्रथम गोलंदाजी करण्याचा निर्णय घेतला. त्यानंतर प्रथम फलंदाजासाठी उतरलेल्या भारतीय संघाकडून पहिल्याच षटकात यशस्वी जयस्वालने आक्रमक सुरूवात केली, मात्र 5 चेंडूत 12 धावा केल्यानंतर तो बाद झाला.
नंतर कर्णधार शुभमन गिल आणि अभिषेक शर्मा हे देखील स्वस्तात बाद झाले. मात्र नंतर संजू सॅमसनने आधी रियान परागला साथीला घेत डाव सावरला. या दोघांनी 65 धावांची भागीदारी करत भारताला 100 धावांचा टप्पा पार करून दिला.
मात्र रियान 24 चेंडूत 22 धावा करून बाद झाला. यानंतर सॅमसनला शिवम दुबेने साथ दिली. सॅमसनने अर्धशतकही पूर्ण केले. पण अर्धशतकानंतर तो 18 व्या षटकात बाद झाला. सॅमसनने 45 चेंडूत 58 धावांची खेळी केली.
अखेरीस शिवम दुबेने आक्रमक खेळ केला. तो शेवटच्या षटकात 12 चेंडूत 2 चौकार आणि 2 षटकारांसह 26 धावा करून धावबाद झाला. अखेर भारताला १६७ धावांपर्यंत पोहचता आले. रिंकु सिंग 9 चेंडूत 11 धावांवर नाबाद राहिला.
झिम्बाब्वेकडून ब्लेसिंग मुधराबनीने सर्वाधिक 2 विकेट्स घेतल्या, तर सिकंदर रझा, रिचर्ड नागरावा आणि ब्रँडन मावुता यांनी प्रत्येकी 1 विकेट घेतली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
