28 Four, 18 Sixes! झिम्बाब्वेने T20 मध्ये ठोकल्या तब्बल २८६ धावा! भारताचा विक्रम थोडक्यात वाचला

T20 Highest Score: झिम्बाब्वे क्रिकेट संघाने ट्वेंटी-२० मध्ये इतिहास रचला आहे. झिम्बाब्वेने सेशेल्सविरूद्ध काल ट्वेंटी-२० मध्ये तिसरी सर्वाधिक धावसंख्या उभारली. नुकत्याच झालेल्या भारत बांगलादेश ट्वेंटी-२० मालिकेतील शेवटच्या सामन्यात भारताने बांगलादेशविरूद्ध २९७ धावा केल्या व ट्वेंटी-२० मध्ये सर्वाधिक धावा करणारा भारत दुसरा संघ ठरला. तर झिम्बाब्वेने २८ चौकार १८ षटकारांतच्या मदतीने सेशेल्सविरूद्ध २८७ धावा करून ट्वेंटी-२० सर्वाधिक धावांच्या यादित तिसरे स्थान मिळवले आहे.

सेशेल्सने नाणेफेक जिंकून प्रथम फलंदाजीचा निर्णय घेतला आणि झिम्बाब्वेने सामन्याची सुरूवात स्पोटक फलंदाजीने केली. ब्रायन बेनेट व तडिवानाशे मरुमणीने पहिल्या विकेटसाठी तब्बल १४२ धावांची भागिदारी केली. पण, दहाव्या षटकात मरुमणी झेलबाद होवून परतला आणि भागिदारी तुटली. मरुमणीने १० चौकार आणि ५ षटकारांच्या मदतीने ३७ चेंडूत ८६ धावा केल्या. त्यानंतर १३ व्या षटकात ब्रायन बेनेट माघारी परतला आणि ९ धावांनी त्याचे शतक हुकले. त्यानंतरच्या फलंदाजांनी फटकेबाजी सुरूच ठेवली आणि २० षटकांच्या अखेरीस झिम्बाब्वे २८६ धांचा टप्पा गाठला.

२८७ धावांचा पाठलाग करण्यासाठी उतरलेल्या सेशेल्स संघाची सुरूवात खराब झाली. सेशेल्स ६ षटकांमध्ये २ विकेट्स गमावत केवळ १८ धावा केल्या. ७व्या षटकात पावसाने हजेरी लावली आणि डकवर्थ-लुईस-स्टर्न पद्धतीनुसार झिम्बाब्वे संघाला ७६ धावांनी विजयी घोषित करण्यात आले.

ट्वेंटी-२० क्रिकेटमध्ये एका डावात सर्वाधिक धावा करण्याचा विश्वविक्रम नेपाळच्या नावावर आहे. २०२३ मध्ये आशियाई क्रीडा स्पर्धेत नेपाळने मंगोलियाविरुद्ध २० षटकात ३१४ धावा केल्या होत्या. ट्वेंटी-२० आंतरराष्ट्रीय क्रिकेटमध्ये ३०० धावांचा टप्पा पार करणारा नेपाळ हा एकमेव संघ आहे. या यादीत भारत २९६ धावांसह दुसऱ्या स्थानावर आहे.

ट्वेंटी-२० क्रिकेटमध्ये सर्वाधिक धावा करणारे संघ

३१४- नेपाळ ( विरुद्ध मंगोलिया) २०२३

२९७- भारत (विरुद्ध बांगलादेश) २०२४

२८६- झिम्बाब्वे (विरुद्ध सेशेल्स) २०२४

२७८- अफगाणिस्तान (विरुद्ध आयर्लंड) २०१९