Portugal Squad for Euro 2024: जूनमध्ये युरो 2024 स्पर्धा खेळवली जाणार आहे. ही स्पर्धा यंदा जर्मनीत होत आहे. या स्पर्धेसाठी पोर्तुगालने आपला 26 खेळाडूंचा संघ जाहीर केला असून त्यात ख्रिस्तियानो रोनाल्डोचीही निवड करण्यात आली आहे. त्यामुळे आता रोनाल्डो सहाव्यांदा युरो स्पर्धेत खेळणार आहे.
तो सहाव्यांदा युरो स्पर्धा खेळणारा पहिला खेळाडू आता ठरणार आहे. आतापर्यंत सर्वाधिक पाच युरो खेळण्याचा विक्रम स्पेनच्या इकर कॅलिलास याच्या नावावर होता.
रोनाल्डोने 2004 साली पहिल्यांदा युरो स्पर्धा खेळली होती. तसेच तो कर्णधार असताना 2016 साली युरो स्पर्धेत पोर्तुगालने विजेतेपद मिळवले होते.
रोनाल्डो सध्या अल नासर या सौदी अरेबियातील क्लबकडून खेळत आहे. त्याने आंतरराष्ट्रीय फुटबॉलमध्ये 206 सामने खेळताना 128 गोल केले आहेत. हा देखील एक विश्वविक्रम आहे.
दरम्यान, 39 वर्षीय रोनाल्डो युरो स्पर्धेसाठी निवडण्यात आलेल्या पोर्तुगाल संघातील सर्वात वयस्कर खेळाडू नाही, तर 41 वर्षीय पेप देखील संघात आहे.
या स्पर्धेसाठी पोर्तुगालचा समावेश एफ ग्रुपमध्ये असून या ग्रुपमध्ये झेक प्रजासत्ताक, तुर्की आणि जॉर्जिया हे संघ आहेत.
गोलरक्षक: डिओगो कोस्टा, रुई पॅट्रिसिओ, जोस सा
डिफेंडर्स: जोआओ कॅन्सेलो, नेल्सन सेमेडो, डिओगो डालोट, नुनो मेंडेस, रुबेन डायस, अँटोनियो सिल्वा, गोंकालो इनासिओ, पेप, डॅनिलो परेरा
मिडफिल्डर: जोआओ पालहिन्हा, रुबेन नेवेस, जोआओ नेवेस, विटिन्हा, ओटावियो मोंटेरो, ब्रुनो फर्नांडिस, बर्नार्डो सिल्वा.
फॉरवर्ड्स: ख्रिस्तियानो रोनाल्डो, राफेल लिओ, जोआओ फेलिक्स, गोंकालो रामोस, डिओगो जोटा, पेड्रो नेटो, फ्रान्सिस्को कॉन्सेकाओ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
