David Warner on Retirement : टी-20 विश्वचषक 2022 च्या अंतिम सामन्यात इंग्लंडने पाकिस्तानचा पराभव करत विजेतेपद पटकावले. विश्वचषक संपताच क्रिकेट चाहत्यांसाठी एक मोठी बातमी समोर येत आहे. या स्पर्धेत फ्लॉप ठरलेला ऑस्ट्रेलियाचा आक्रमक सलामीवीर डेव्हिड वॉर्नरने कसोटी क्रिकेटमधून निवृत्ती घेण्याचे संकेत दिले आहे.
ऑस्ट्रेलियाचा स्फोटक सलामीवीर डेव्हिड वॉर्नरने कसोटी क्रिकेटमधून निवृत्ती घेण्याचे संकेत देताना सांगितले की, कदाचित मी कसोटी क्रिकेटला अलविदा करेल कारण म्हणजे पुढील वर्षी होणारा एकदिवसीय विश्वचषक आणि त्यानंतर 2024 मध्ये होणारा टी-20 विश्वचषक आहे. त्यामुळे कसोटी क्रिकेटमधील हे माझे शेवटचे वर्ष असू शकते. पण मला पांढऱ्या चेंडूचे क्रिकेट आवडते. वॉर्नर म्हणतो की, मला टी-20 क्रिकेट खेळायला आवडतो आणि मला 2024 च्या शेवटपर्यंत खेळायचे आहे. 2024 टी-20 विश्वचषक वेस्ट इंडिज आणि अमेरिकेत संयुक्तपणे आयोजित केला जाणार आहे.
ऑस्ट्रेलियन संघाला 30 नोव्हेंबरपासून वेस्ट इंडिजविरुद्ध 2 कसोटी सामने खेळायचे आहेत. यानंतर कांगारू संघाला दक्षिण आफ्रिकेविरुद्ध 3 सामन्यांची कसोटी आणि 3 एकदिवसीय मालिका खेळायची आहे.
टी-20 विश्वचषक 2022 च्या स्पर्धेत सलामीवीर डेव्हिड वॉर्नरची बॅट पूर्णपणे शांत राहिली होती. या विश्वचषकात त्याने चार सामने खेळले ज्यात त्याला फक्त 44 धावा करता आल्या. वॉर्नरचा खराब फॉर्मही ऑस्ट्रेलियाला जड गेला आणि ऑस्ट्रेलियन संघ सुपर-12 मधूनच विश्वचषकातून बाहेर पडला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
