स्टॉकहोम : भारतीय टेनिस संघाची डेव्हिस करंडकातील पराभवाची मालिका यंदाही कायम राहिली. स्वीडनच्या टेनिसपटूंनी मायदेशात पार पडलेल्या प्रतिष्ठेच्या स्पर्धेतील जागतिक गट एकमधील लढतीत भारतावर ४-० असा शानदार विजय साकारला. भारताला स्वीडनकडून सहाव्यांदा पराभवाचा सामना करावा लागला. आता भारतीय टेनिस संघाला पुढल्या वर्षी जागतिक गटातील (एक) स्थान कायम राखण्यासाठी प्ले ऑफ लढतीमध्ये खेळावे लागणार आहे.