Dean Elgar India vs South Africa 1st Test : भारत आणि दक्षिण आफ्रिका यांच्यातील पहिल्या कसोटीत डीन एल्गरने दमदार फलंदाजी केली. त्याने 287 चेंडूत 185 धावा ठोकल्या. त्याने चौथ्या आणि सहाव्या विकेटसाठी शतकी भागीदारी रचत संघाला 350 धावांच्या पार पोहचवले.
डीन एल्गरने दमदार फलंदाजी करून देखील त्याचे द्विशतक ठोकण्याचे स्वप्न काही पूर्ण होऊ शकले नाही. 185 धावांवर असताना शार्दुल ठाकूरने त्याला केएल राहुलकरवी झेलबाद केले. इतक्या जवळ येऊन द्विशतक हुकल्यावर तो प्रतिस्पर्धी संघातील खेळाडू असला तरी वाईट वाटते. डीन एल्गरबाबत हे पहिल्यांदाच झालेलं नाही. यापूर्वी एल्गरचे कसोटी द्विशतक अवघ्या 1 धावेने हुकले होते.
डीन एल्गरसोबत असं दुसऱ्यांदा झालं आहे. त्याचे दुसऱ्यांदा कसोटी क्रिकेटमधील द्विशतक हुकले आहे. 2017 मध्ये तो कसोटी सामन्यात 199 धावांवर बाद झाला होता. सप्टेंबर महिन्यात 2017 मध्ये बांगलादेशविरूद्धच्या सामन्यात एल्गरने सलामीला येत 388 चेंडू खेळले होते. त्याने 199 धावा केल्या होत्या. यात 15 चौकार आणि 3 षटकारांचा समावेश होता. मात्र त्याचं दिवशतक अवघ्या 1 धावेने हुकले होते. दक्षिण आफ्रिकेना हा सामना 333 धावांनी जिंकला होता.
सेंच्युरियनवरील कसोटी सामन्यात भारताने प्रथम फलंदाजी केली. पहिल्या डावात भारताने 245 धावा केल्या होत्या. त्यात केएल राहुलने 137 चेंडूत 14 चौकार आणि 4 षटकार मारत 101 धावांची झुंजार शतकी खेळी केली. रबाडाने पहिल्या डावात 59 धावांमध्ये 5 विकेट्स घेतल्या. तर नांद्रे बर्गरने 3 विकेट्स घेतल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
