FIFA विश्वचषक 2022 च्या अंतिम फेरीचे भव्य उद्घाटन झाले. लुसेल स्टेडियमवर अर्जेंटिना आणि फ्रान्स यांच्यात चुरशीचा सामना होत आहे. फिफा विश्वचषकात आपल्या आवडत्या खेळाडूंना पाठिंबा देण्यासाठी बॉलिवूडचे अनेक स्टार्स पोहोचले आहेत. दीपिका पदुकोण देखील या काही स्टार्सपैकी एक आहे.
दीपिका पादुकोणने माजी स्पॅनिश गोलकीपर आणि 2010 च्या विश्वविजेता संघातील खेळाडू इकर कॅसिलास यांच्यासमवेत फीफा वर्ल्डकप ट्रॉफी ( FIFA World Cup trophy) चे अनावरण केले .
सध्या दीपिका पदुकोण 'बेशरम रंग' या गाण्यावरून वादात सापडली आहे. 'पठाण' चित्रपटातील 'बेशरम रंग' या गाण्यात भगव्या रंगाची बिकिनी परिधान केल्यामुळे दीपिका ही अनेक संघटनांच्या निशाण्यावर आहे. सर्व वादांच्या दरम्यान, FIFA विश्वचषक 2022 चा फायनल पाहण्यासाठी ती पोहचली आहे. या कार्यक्रमातील दीपिकाचे फोटो सध्या सोशल मीडियावर शेअर केले जात आहेत.
12 डिसेंबर रोजी पठाण चित्रपटाचे पहिले गाणे बेशरम रंग रिलीज झाले. हे गाणे काही तासांतच सोशल मीडियावर व्हायरल झाले. गाण्यातील दीपिकाच्या परफॉर्मन्सने चाहत्यांना भुरळ घातली. पण म्युझिक व्हिडिओच्या एका सीनमध्ये दीपिका पदुकोण भगव्या रंगाची बिकिनी घातलेली दिसली. भगव्या रंगाची बिकिनी घालून दीपिकाने त्यांच्या भावना दुखावल्याचे संघटनांचे म्हणणे आहे. यावरून तिला ट्रोल करण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
