आयसीसी वर्ल्ड कप 2023 मध्ये भारतीय संघ सध्या विजयाच्या रथावर स्वार आहे. या स्पर्धेत सलग 5 सामने जिंकून टीम इंडियाने पॉइंट टेबलमध्ये अव्वल स्थान पटकावले आहे.
न्यूझीलंडविरुद्ध खेळल्या गेलेल्या सामन्यात अष्टपैलू हार्दिक पंड्याच्या दुखापतीमुळे भारताला मोठा धक्का बसला आहे. त्याच्या जागी न्यूझीलंडविरुद्ध मोहम्मद शमीला संधी देण्यात आली, तर शार्दुल ठाकूरला वगळण्यात आले आणि सूर्यकुमार यादवला प्लेइंग इलेव्हनमध्ये स्थान देण्यात आले.
भारतीय संघाला सध्याचा विश्वविजेता इंग्लंडविरुद्ध पुढील सामना खेळायचा आहे. भारताने आतापर्यंत सर्व 5 सामने जिंकले आहेत तर इंग्लंडची स्थिती खराब आहे आणि 4 पैकी फक्त 1 जिंकला आहे.
भारतीय संघ अजूनही इंग्लिश संघाविरुद्ध कोणताही धोका पत्करू इच्छित नाही. हार्दिक पांड्या तंदुरुस्त झाल्यास प्लेइंग इलेव्हनमध्ये नक्कीच बदल होईल. प्रश्न मोहम्मद शमीवर आहे. न्यूझीलंडविरुद्ध त्याने 5 विकेट घेत दमदार पुनरागमन केले. या कामगिरीनंतर त्याला वगळणे हा अत्यंत धाडसी निर्णय असेल.
मोहम्मद शमीने न्यूझीलंडविरुद्ध जरी 5 विकेट घेतल्या असले तरी, हार्दिक पांड्या तंदुरुस्त झाल्यावर त्याला बाहेर बसावे लागेल, असे मत भारतीय संघाचा माजी फलंदाज मोहम्मद कैफ यांनी व्यक्त केले.
दक्षिण आफ्रिका आणि बांगलादेश यांच्यातील सामन्यादरम्यान समालोचन करताना तो म्हणाला की, हार्दिक पांड्या पुढील सामन्यासाठी तंदुरुस्त झाला तर तो निश्चितच प्लेइंग इलेव्हनचा भाग असेल. अशा स्थितीत शार्दुल ठाकूरही पुनरागमन करेल आणि मोहम्मद शमीला बाहेर बसावे लागेल. सूर्यकुमार यादव प्लेइंग इलेव्हनमधून बाहेर असेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
