Durand Cup 2023 East Bengal : इस्ट बंगाल फुटबॉल क्लबच्या चाहत्यांना आज त्यांच्या लाडक्या क्लबने जल्लोष करण्याची संधी दिली. विशेष म्हणजे इस्ट बंगाल फुटबॉल क्लबच्या चाहत्यांना हा खास जल्लोष तब्बल 1658 दिवसांनी करण्याची संधी मिळाली आहे.
इस्ट बंगालने तब्बल 1658 दिवसांनी त्यांचे कट्टर प्रतिस्पर्धी मोहन बागान फुटबॉल क्लबला पराभूत केले. ही कामगिरी त्यांनी डुरांड कप फुटबॉल स्पर्धेत केली. इस्ट बंगालकडून नंदकुमार शेखरने एकमेव गोल केला. याचबरोबर कोलकाता डर्बीमधील इस्ट बंगालचा विजयाचा दुष्काळ संपला.
सामन्याच्या 60 व्या मिनिटाला नंदकुमारने मोहन बागानवर गोल केला. याचबरोबर मोहन बागानसाठी क्वार्टर फायनलमध्ये प्रवेश करण्याचे स्वप्न देखील लांबणीवर पडले. जर इस्ट बंगालने पंजाब एफसी सोबतचा आपला लीग स्टेजमधील शेवटचा सामना जिंकला तर मोहन बागानचे क्वार्टर फायलनमध्ये पोहचण्याचे स्वप्न धुळीस मिळणार आहे.
मोहन बागानचे ग्रुप स्टेजमधील सर्व सामने खेळून झाले आहे. ग्रुप अ मध्ये त्यांनी तीन सामन्यात 6 गुण मिळवले आहेत. तर इस्ट बंगालने दोन सामन्यात 4 गुण मिळवले आहेत. सहा ग्रुपमधील टॉपर संघ आणि दोन बेस्ट रनर अप संघ अंतिम 8 संघात प्रवेश करणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
