सबस्क्राईब करा
Virat Kohli England vs India 3rd ODI : भारत आणि इंग्लंड यांच्यातील वनडे मालिकेतील शेवटचा सामना आज मँचेस्टरच्या मैदानावर खेळला जाता आहे. भारताचा कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना इंग्लंडने 45.5 षटकांत 259 धावा केल्या. मात्र भारताची सुरुवात खराब झाली. इंग्लंडच्या गोलंदाज रीस टोपलीने भारतीय संघाला पुन्हा एकदा मोठा धक्का दिला आहे. अवघ्या 38 धावांपर्यंत भारतीय संघाने पहिले 3 विकेट गमावले. त्यात विराट कोहलीही आऊट झाला.
भारताचा माजी कर्णधार विराट कोहलीही या सामन्यात पण फार काही करू शकला नाही. 22 चेंडूत 17 धावा करून तो पॅव्हेलियनमध्ये परतला आहे. आता जवळपास महिनाभराच्या ब्रेकनंतर चाहत्यांना आता तो अॅक्शन करताना दिसणार आहे. रीस टोपलीने त्याला झेलबाद केले. ऑफ स्टंपच्या बाहेर जाणाऱ्या चेंडूवर कोहली पुन्हा एकदा बाद झाला.
पुन्हा एकदा विराट कोहली बाहेर जाणारा चेंडू समजून घेण्यात अयशस्वी ठरला. मालिकेतील पहिल्या सामन्यात त्याला फलंदाजीची संधी मिळाली नाही. तर दुसऱ्या सामन्यात डेव्हिड विलीने बाहेर जाणार्‍या चेंडूवर विराटला आऊट केले, आणि तिसऱ्या सामन्यात विराटने पुन्हा एकदा तीच चूक पुन्हा केली. रीस टोपलीने विराट कोहलीला 17 धावांच्या वैयक्तिक स्कोअरवर आऊट केले. अशा स्थितीत आता मैदान बदलते, गोलंदाज बदलतात पण बदलत नाही तर विराटच असे म्हटल्यास वावगे ठरणार नाही.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
