England vs India 2nd ODI : भारत आणि इंग्लंड यांच्यातील तीन एकदिवसीय मालिकेतील दुसरा सामना लॉर्ड्स मैदानावर खेळल्या गेला. दुसऱ्या ODI मध्ये भारताचा दारुण पराभव झाला आहे. इंग्लंड हा सामना शंभर धावांनी जिंकला आणि तीन सामन्यांच्या मालिकेत 1 - 1 अशी बरोबरी केली. 247 धावांच्या लक्ष्याचा पाठलाग करताना भारताची सुरुवात खराब झाली आणि अवघ्या 31 धावांत 4 विकेट गमावल्या. डावाच्या तिसर्‍या षटकात रोहित शर्माला खातेही न उघडता आलेल्या रीस टोपलीने एलबीडब्ल्यू आऊट केले. टोपलीने शिखर धवनलाही (9) पॅव्हेलियनमध्ये पाठवले. त्याला जोस बटलरने झेलबाद केले. धवनने 26 चेंडूत 1 चौकाराच्या मदतीने 9 धावा केल्या. यष्टिरक्षक फलंदाज ऋषभ पंतला खातेही उघडता आले नाही तर विराट कोहली पुन्हा एकदा स्वस्तात पॅव्हेलियनमध्ये परतला. त्याने 25 चेंडूत 3 चौकारांच्या मदतीने 16 धावा केल्या.
यानंतर सूर्यकुमार यादव आणि हार्दिक पांड्याने 5व्या विकेटसाठी 42 धावांची भागीदारी केली. डावाच्या 21व्या षटकाच्या दुसऱ्या चेंडूवर सूर्यकुमार 29 चेंडूत 1 चौकार आणि 1 षटकाराच्या मदतीने 27 धावा करून आऊट झाला. मोईन अलीने हार्दिक पांड्याला झेलबाद केले. हार्दिकने 44 चेंडूंचा सामना करत 2 चौकारांच्या मदतीने 29 धावा केल्या. रवींद्र जडेजाही 29 धावा करून पॅव्हेलियनमध्ये परतला. मोहम्मद शमीने 28 चेंडूंत 2 चौकार आणि 1 षटकार मारत 23 धावांचे योगदान दिले.
नाणेफेक हारल्यानंतर प्रथम फलंदाजी करणाऱ्या इंग्लंडने 49 षटकांत सर्व विकेट गमावून 246 धावा केल्या. या सामन्यात प्रथम फलंदाजी करताना इंग्लंडचा संघ पुन्हा एकदा फ्लॉप झाला. सलामीच्या जोडीने 41 धावांची भागीदारी रचली, पण पहिली विकेट पडल्याने इंग्लंडचा डगमगला. इंग्लंडचा निम्मा संघ 102 धावांवर पॅव्हेलियनमध्ये परतला होता. यानंतर मोईन अलीने 47 आणि डेव्हिड विलीने 41 धावा करत इंग्लंडची धावसंख्या 200 च्या पुढे नेली. त्याचवेळी जेसन रॉय (23), जॉनी बेअरस्टो (38), जो रूट (11), कर्णधार जोस बटलर (4), बेन स्टोक्स (21) आणि लियाम लिव्हिंगस्टन (33) लवकरच पॅव्हेलियनमध्ये गेले.
भारताकडून युझवेंद्र चहल हा सर्वात यशस्वी गोलंदाज ठरला, त्याने 10 षटकांत 47 धावा देत 4 बळी घेतले. त्यांच्याशिवाय हार्दिक पांड्या आणि जसप्रीत बुमराहने प्रत्येकी दोन तर मोहम्मद आणि प्रसिद्ध कृष्णाने प्रत्येकी एक विकेट घेतली. विराट कोहलीचे प्लेइंग इलेव्हनमध्ये पुनरागमन झाले आहे. तो मांडीच्या दुखापतीमुळे पहिला एकदिवसीय सामना खेळू शकला नाही.
145 धावांच्या स्कोअरवर भारताची नववी विकेट पडली. युझवेंद्र चहल तीन धावांवर रीस टोपलीने बोल्ड झाला. या सामन्यातील टोपलीची ही पाचवी विकेट आहे. आता इंग्लंडचा संघ विजयापासून एक विकेट दूर आहे.
140 च्या स्कोअरवर भारताला दोन धक्के बसले असून आता टीम इंडियाच्या विजयाच्या आशा पूर्णतः संपुष्टात आल्या आहेत. लियाम लिव्हिंगस्टोनने जडेजाला क्लीन बोल्ड करून इंग्लंडला आठवे यश मिळवून दिले. जडेजाने 44 चेंडूत 29 धावा केल्या. 36 षटकांनंतर भारताची धावसंख्या आठ गड्यांच्या मोबदल्यात 140 अशी आहे.
140 धावांच्या स्कोअरवर भारताची सातवी विकेट पडली. मोहम्मद शमी 28 चेंडूत 23 धावा करून बाद झाला.
मोईन अलीने हार्दिक पांड्याला झेलबाद केले. हार्दिक 44 चेंडूत 29 धावा करून बाद झाला. आता मोहम्मद शमी रवींद्र जडेजासोबत क्रीजवर आहे. 30 षटकांनंतर भारताची धावसंख्या 6 बाद 123 आहे.
भारताची धावसंख्या पाच गड्यांच्या मोबदल्यात 100 धावा पार झाली आहे. हार्दिक पांड्या आणि रवींद्र जडेजा चांगली भागीदारी करत आहेत.
भारताला 73 धावांच्या स्कोअरवर पाचवा धक्का. सूर्यकुमार यादव 27 धावांवर बाद झाला. भारताला विजयासाठी अजूनही 174 धावांची गरज असून निम्मा संघ पॅव्हेलियनमध्ये परतला आहे.
भारताची धावसंख्या चार गड्यांच्या मोबदल्यात 50 धावा पार झाली आहे. हार्दिक पांड्या आणि सूर्यकुमार यादव यांच्यात चांगली भागीदारी होत आहे. 15 षटकांनंतर भारताची धावसंख्या 4 बाद 54 आहे.
विराट कोहली 25 चेंडूत 16 धावा करून बाद झाला. डेव्हिड विलीच्या चेंडूवर जोस बटलरने त्याचा झेल पकडला. विराट वनडेत 29 व्यांदा डावखुऱ्या वेगवान गोलंदाजाचा बळी ठरला आहे.
भारतीय संघाला मोठा धक्का बसला आहे. संघाचा स्टार फलंदाज ऋषभ पंतही खाते न उघडता पॅव्हेलियनमध्ये परतला आहे. 5 चेंडू खेळून तो झेलबाद झाला. भारताला 29 च्या स्कोअरवर तिसरा धक्का बसला आहे.
भारताची सलामीची जोडी 27 धावांवर पॅव्हेलियनमध्ये परतली आहे. शिखर धवनने नऊ धावा करून झेलबाद झाला. आता विराट कोहलीसोबत ऋषभ पंत क्रीजवर आहे. नऊ षटकांनंतर भारताची धावसंख्या दोन गड्यांच्या मोबदल्यात 27 धावा आहे.
भारताला पहिला धक्का बसला आहे. रोहित शर्मा खाते न उघडताच बाद झाला. विराट कोहली आणि शिखर धवन खाते न उघडता क्रीझवर आहेत.
इंग्लंडविरुद्धचा दुसरा वनडे सामना जिंकण्यासाठी भारताला 247 धावांची गरज आहे. पहिल्या एकदिवसीय सामन्यात फलंदाजी करताना इंग्लंडचा संघ केवळ 110 धावा करू शकला, तर दुसऱ्या सामन्यात इंग्लंडला केवळ 246 धावा करता आल्या.
दुसरा सामना जिंकण्यासाठी भारतासमोर 247 धावांचे लक्ष्य आहे.
240 धावांच्या स्कोअरवर इंग्लंडची नववी विकेट पडली. प्रसिद्ध कृष्णा कार्स दोन धावांवर एलबीडब्ल्यू आऊट केले.
जसप्रीत बुमराहने 237 धावसंख्येवर इंग्लंडला आठवा धक्का दिला आहे. त्याने 41 धावांवर डेव्हिड विलीला झेलबाद केले.
युझवेंद्र चहलने इंग्लंड संघाला सातवा धक्का दिला आहे. त्याने मोईन अलीला 47 धावांवर रवींद्र जडेजाकडून झेलबाद केले. 42 षटकांनंतर इंग्लंडची धावसंख्या 7 बाद 210 आहे.
मोईन अली आणि डेव्हिड विली यांनी अर्धशतकी भागीदारी केली आहे. या दोघांनी इंग्लंडची धावसंख्या 200 च्या पुढे नेली आहे.
धोकादायक दिसणारा लियाम लिव्हिंगस्टोन पॅव्हेलियनमध्ये परतला आहे. लिव्हिंगस्टोनला हार्दिक पंड्याने बदली खेळाडू श्रेयस अय्यरच्या हाती झेलबाद केले. लिव्हिंगस्टोन 33 धावा करून बाद झाला.
चहलच्या चेंडूवर रिव्हर्स स्वीप मारल्याने बेन स्टोक्स एलबीडब्ल्यू आऊट झाला. स्टोक्सने 21 धावांचे योगदान दिले. इंग्लंडची धावसंख्या 21.4 षटकात 5 विकेट गमावत 102 धावा. मोईन अली आणि लियाम लिव्हिंगस्टोन क्रीजवर.
इंग्लंडचा कर्णधार जोस बटलर बाद झाला. बटलरला मोहम्मद शमीने बोल्ड केले. बटलरला केवळ तीन धावा करता आल्या. इंग्लंडची धावसंख्या 19 षटकांत 4 बाद 87 अशी आहे. बेन स्टोक्स 10 आणि लियाम लिव्हिंगस्टोन 0 धावांवर खेळत आहेत.
जो रूटला एलबीडब्ल्यू आऊट करून युझवेंद्र चहलने इंग्लंडला तिसरा धक्का दिला. या सामन्यातील चहलचे हे दुसरे विकेट मिळाले. रूटने 11 चेंडूत 11 धावा केल्या. तो बाद झाल्यानंतर कर्णधार जोस बटलर फलंदाजीसाठी मैदानात उतरला आहे.
युझवेंद्र चहलने इंग्लंडला दुसरा धक्का दिला. बेअरस्टोने 38 धावा केल्या. इंग्लंडची धावसंख्या सध्या 14.4 षटकांत 2 बाद 72 अशी आहे. जो रूट 10 आणि बेन स्टोक्स शून्य धावा करून क्रीजवर आहेत.
12 षटकांनंतर इंग्लंडने 50 धावा केल्या आहेत. जो रूट आणि जॉनी बेअरस्टो ही जोडी सध्या क्रीजवर आहे.
हार्दिक पांड्याने जेसन रॉयला बाद करून इंग्लंडला पहिला धक्का दिला आहे. रॉय 33 चेंडूत 23 धावा करत बाद झाला. त्यामध्ये दोन चौकार आणि एक षटकार मारला.
सातव्या षटकातील चौथ्या चेंडूवर शिखर धवनने जॉनी बेअरस्टोचा झेल सोडला. बेअरस्टो 16 चेंडूत 16 धावा केल्यानंतर सध्या उपस्थित आहे. 7 षटकांनंतर इंग्लंडची धावसंख्या बिनबाद 40 धावा आहे.
इंग्लंडची फलंदाजी सुरू झाली आहे. जेसन रॉय आणि जॉनी बेअरस्टो ही सलामीची जोडी सध्या क्रीजवर आहे. मोहम्मद शमी भारतीय वेगवान गोलंदाजीचे नेतृत्व करत आहे. शमीने पहिल्याच षटकात 2 धावा दिल्या.
प्लेइंग इलेव्हन
भारत: रोहित शर्मा, शिखर धवन, विराट कोहली, सूर्यकुमार यादव, ऋषभ पंत, हार्दिक पांड्या, रवींद्र जडेजा, मोहम्मद शमी, जसप्रीत बुमराह, प्रणाली कृष्णा, युझवेंद्र चहल.
इंग्लंड : जेसन रॉय, जॉनी बेअरस्टो, जोस बटलर, जो रूट, लियाम लिव्हिंगस्टन, बेन स्टोक्स, मोईन अली, डेव्हिड विली, रीस टोपली, क्रेग ओव्हरटन, ब्रायडेन कार्स.
या महत्त्वपूर्ण सामन्यात भारताने नाणेफेक जिंकून प्रथम गोलंदाजी करण्याचा निर्णय घेतला आहे. या वनडे सामन्याला भारताचा माजी कर्णधार विराट कोहली खेळणार आहे. पहिल्या एकदिवसीय सामन्यात त्याचा मांडीचा स्नायू दुखावल्यामुळे तो खेळला नव्हता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
