Bazball | पाचव्या कसोटीत 'बॅझबॉल'चीच चर्चा, द्रविड विचारतोय काय आहे प्रकरण?

बर्मिंगहम : भारत आणि इंग्लंड (England Vs India) यांच्यातील पाचव्या सामन्यात इंग्लंडने भारताचा सात गडी राखून पराभव केला. सामन्यावर पहिले तीन दिवस भारताचे वर्चस्व होते. मात्र चौथ्या दिवशी इंग्लंडने सामन्यात पुनरागम केले आणि पाचव्या दिवशीच्या पहिल्या सत्रातच भारताचा विजयी घास हिरावून घेतला. भारताने ठेवलेल्या 378 धावांचा 77 षटकातच पाठलाग केला. इंग्लंडकडून जो रूटने (Joe Root) नाबाद 142 तर जॉनी बेअरस्टोने नाबाद 114 धावांची शतकी खेळी केली. या कसोटी मालिकेत एक शब्द खूप चर्चेत आला तो म्हणजे 'बॅझबॉल' (Bazball)'

बॅझबॉल' म्हणजे काय? गेल्या 18 महिन्यापासून इंग्लंड सातत्याने कसोटी सामना हरत होती. अॅशेस मालिकेत पराभव, भारतात देखील पराभव. त्यानंतर वेस्ट इंडीज दौऱ्यावर देखील इंग्लंडच्या पदरी पराभवच पडला. त्यानंतर इंग्लंड संघाच्या प्रशिक्षणाची जबाबदारी न्यूझीलंडचा माजी कर्णधार ब्रँडन मॅक्युलमने (Brendon Mccullum) आपल्या खांद्यावर घेतली. बॅझबॉल ही एक माईंडसेट आहे. या माईंटसेटनेच इंग्लंडला पराभवाच्या गर्तेतून बाहेर काढले. बॅझ हे मॅक्यूलमचे टोपण नाव आहे. यावरूनच बॅझबॉल हे नाव तयार झाले. मॅक्युलने प्रशिक्षक होताच इंग्लंडला चारी कसोटी सामन्यात विजय मिळाला.

राहुल द्रविडही विचारतोय काय आहे बॅझबॉल?

भारताच्या पराभवानंतर संघाचा प्रशिक्षक राहुल द्रविडला (Rahul Dravid) एका पत्रकाराने बॅझबॉल बाबत प्रश्न विचरला. त्यावेळी त्याने मला नाही माहिती हे काय आहे असे उत्तर दिले आणि सर्व पत्रकार हसू लागले. द्रविड पुढे म्हणाला की, 'मी निश्चित सांगू शकतो की गेल्या काही महिन्यांपासून इंग्लंड ज्या प्रकारे क्रिकेट खेळत आहे तू खूप चांगले आहे. ते धावांचा पाठलाग करण्यात यशस्वी राहिले आहेत. इंग्लंडमध्ये चौथ्या डावात धावांचा पाठलाग करणे सोपे नाही. जो कोणी या प्रकराचे आक्रमक क्रिकेट खेळू इच्छितो ते क्रिकेट खूप साऱ्या खेळाडूंवर अवलंबून असते. ते यावेळी कोणत्या फॉर्ममध्ये आहेत हेही महत्वाचे असते. जर खेळाडू चांगल्या फॉर्ममध्ये असतील तर ते सकारात्मक खेळ करतात. जसे पहिल्या डावात ऋषभ पंत आणि रविंद्र जडेजा खेळत होते.'