England vs India, 2nd Test : इंग्लंड विरुद्धच्या दुसऱ्या कसोटी सामन्यातील दुसऱ्या डावात भारतीय आघाडीचे फलंदाज स्वस्तात माघारी परतले. पहिल्या डावात 129 धावांची खेळी करणाऱ्या लोकेश राहुलने अवघ्या 5 धावांवर मैदान सोडले. दुसरीकडे पहिल्या डावातील अर्धशतकवीर रोहित शर्माने नको त्या वेळी नको तो फटका खेळून नाहक विकेट फेकली. किंग कोहलीही सॅमला फसला आणि त्यानेही 20 धावा करुन मैदान सोडले. एका बाजूला भारतीय संघाची बिकट अवस्था झाली आहे. या परिस्थितीत भारताची भिंत बनून मैदानात तग धरुन उभे राहण्याची क्षमता असलेला पुजारा डाव सावरण्याच्या इराद्याने खेळताना दिसला. एकदा मैदानात नांगर टाकला की तो सहजा सहजी विकेट फेकत नाही. सध्याच्या घडीला त्याच्याकडून संयमी खेळीचीच अपेक्षा आहे.
पुजाराने 35 चेंडू खेळल्यावर काढली पहिली धाव
चौथ्या दिवसाच्या खेळात सलामीवीर स्वस्तात माघारी फिरल्यानंतर कोहली आणि चेतेश्वर पुजाराकडे सर्वांच्या नजरा लागून होत्या. एका बाजूला विराट त्याच्या ढंगात खेळत होता दुसरीकडे संयमी पुजारा आपल्या तोऱ्यात संयमी खेळी करत होता. सॅम कुरेननं 20 धावांवर कोहलीला बाद केले. कोहली मैदानात असतानाच पुजाराने खाते उघडले. पण यासाठी त्याने 35 चेंडूंचा सामना केला. एखाद्या खेळाडूने शतकी खेळी केल्यानंतर प्रेक्षकांनी टाळ्यांचा गजरात त्या खेळाडूचे स्वागत करावे असाच काहीसा प्रकार लॉर्ड्सच्या मैदानात पुजारासोबत खाते घडल्यानंतर घडल्याचे पाहायला मिळाले. पुजाराच्या संयमी खेळीनंतर सोशल मीडियावरही गंमतीशीर मीम्स व्हायरल होताना दिसते.
द्रविडनं 40 चेंडूनंतर उघडले होते खाते
2008 मध्ये राहुल द्रविडने सीडनीच्या मैदानात ऑस्ट्रेलिया विरुद्ध अशीच संयमी खेळी केली होती. त्याने एक धाव घेण्यासाठी 40 चेंडू खेळून काढले होते. द्रविडपेक्षा पाच चेंडू कमी खेळत पुजाराने खाते उघडले. त्याने धाव घेतल्यानंतर लॉर्ड्सच्या प्रेक्षक गॅलरीतून टाळ्यांचा कडकडाट ऐकायला मिळाला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.