बर्लिन : जिगरबाज ऑस्ट्रियाने जबरदस्त कामगिरी साधताना नेदरलँड्सला ३-२ असे हरविले, त्याचबरोबर माजी विजेत्या फ्रान्सलाही मागे टाकून युरो करंडक फुटबॉल स्पर्धेच्या ड गटात अव्वल स्थान मिळविले.
मार्सेल झाबित्सर याने सामन्याच्या ८० व्या मिनिटास केलेल्या गोलमुळे ऑस्ट्रियाने ३४ वर्षांत प्रथमच नेदरलँड्सवर मात करण्याची किमया साधली. यापूर्वी ३० मे १९९० रोजी डच संघाविरुद्ध ऑस्ट्रियन संघ अखेरच्या वेळेस जिंकला होता.
सामन्याच्या सहाव्या मिनिटास फ्रेंच खेळाडू डॉनयेल मालेन याच्या स्वयंगोलमुळे ऑस्ट्रियाला आघाडी मिळाली होती. उत्तरार्धात नेदरलँड्सने जोरदार टक्कर दिली. कॉडी गाक्पोने ४७ व्या मिनिटास केलेल्या गोलमुळे त्यांनी बरोबरी साधली.
नंतर रोमानो श्मिद याच्या भेदक हेडरमुळे ऑस्ट्रियाला ५९ व्या मिनिटास पुन्हा आघाडी घेणे शक्य झाले. ७५ व्या मिनिटास मेम्फिस डिपाय याच्या गोलला व्हीएआरद्वारे मंजुरी मिळाल्यानंतर नेदरलँड्सने २-२ अशी बरोबरी साधली होती.
डॉर्टमंड येथे फ्रान्सला पोलंडने १-१ असे गोलबरोबरीत रोखले. सामन्यातील दोन्ही गोल पेनल्टी फटक्यांवर झाले. नाकाच्या दुखापतीमुळे मागील सामन्यास मुकलेला फ्रेंच कर्णधार किलियन एम्बाप्पे नाकावर मास्क चढवून सामन्यात खेळला व त्याने ५६व्या मिनिटास संघाला आघाडी मिळवून दिली.
ऑस्ट्रियाने ‘ड’ गटात दोन विजय व एका पराभवासह सहा गुण नोंदवून पहिला क्रमांक मिळविला. फ्रान्सचे एक विजय व दोन बरोबरींसह पाच गुण, तर नेदरलँड्सचे प्रत्येकी एक विजय, बरोबरी आणि पराभवामुळे चार गुण झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.