FIFA World Cup 2022 Third Place Morocco vs Croatia : विश्‍वकरंडक जिंकण्याचे स्वप्न भंग पावले... आता तिसऱ्या स्थानासाठी लढणार... क्रोएशिया - मोरोक्को या दोन देशांची ही कथा. फिफा विश्‍वकरंडकात आज अल रयान येथे या दोन देशांमध्ये ब्राँझपदकासाठी लढत रंगणार आहे. दोन्ही देश स्पर्धेचा शेवट गोड करण्यासाठी प्रयत्नांची शिकस्त करतील.
मोरोक्कोने यंदाच्या विश्‍वकरंडकात ठसा उमटवला आहे. उपांत्य फेरीपर्यंत पोहचत त्यांनी इतिहास रचला आहे. त्यामुळे आजच्या लढतीचा निकाल कोणताही लागला, तरी मायदेशात त्यांचे जंगी स्वागत होईल, यात शंका नाही. या वेळी मोरोक्को संघाचे प्रशिक्षक वालीद रेगरेगी म्हणाले, मानसिकदृष्ट्या विचार केल्यास खूप आव्हानात्मक आहे. आता उद्याच्या लढतीत राखीव खेळाडूंना अंतिम संघात खेळण्याची संधी दिली जाईल. आमचा संघ अव्वल दर्जापासून दूर नाही, हे दाखवून दिले. आता तिसऱ्या क्रमांकाची लढतही जिंकू, असा विश्‍वासही पुढे त्यांनी व्यक्त केला.
क्रोएशियाच्या संघाने सलग दुसऱ्यांदा उपांत्य फेरीत प्रवेश केला. गेल्या विश्‍वकरंडकात त्यांना उपविजेतेपदावर समाधान मानावे लागले. यंदा त्यांना तिसऱ्या स्थानासाठी लढावे लागत आहे. याआधी १९९८मध्ये त्यांना तिसऱ्या स्थानावर समाधान मानावे लागले होते.
साखळी फेरीत गोलशून्य बरोबरी
क्रोएशिया व मोरोक्को हे दोन्ही संघ यंदाच्या विश्‍वकरंडकात एकाच गटात होते. फ गटामध्ये दोन्ही देशांचा समावेश होता. या गटातील पहिली लढत याच दोन देशांमध्ये झाली. या लढतीत गोलशून्य बरोबरी झाल्यामुळे दोन्ही संघांना प्रत्येकी एक गुण मिळाला. या गटातून हेच दोन संघ बाद फेरीत पोहोचले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
