महिलांमध्ये एलेक्सिया पुटलेस फिफा २०२१ ची सर्वोत्कृष्ट प्लेअर ठरली.
पोलंडचा आणि बायर्न म्युनिचचा फुटबॉलपटू रॉबर्ट लेवांडोवस्कीने (Robert Lewandowski) दिग्गज फुटबॉलपटू लिओनल मेस्सीला ( Lionel Messi) मागे टाकून फिफाच्या पुरस्कारावर नाव कोरलं आहे. २०२१ चा फिफाचा सर्वोत्कृष्ट खेळाडू (FIFA 2021 Best Player) पुरस्कार लेवांडोवस्कीला जाहीर झाला आहे. तर महिलांमध्ये Alexia Putellas सर्वोत्कृष्ट प्लेअर ठरली.
फिफाच्या २०२१ च्या सर्वोत्कृष्ट खेळाडुंच्या स्पर्धेत अर्जेंटीना आणि पॅरिस सेंट जर्मनकडून खेळणाऱ्या मेस्सीशिवाय मोहम्मद सालाह याचंही नाव होतं. मात्र या दोघांना मागे टाकून लेवांडोवस्की याने बाजी मारली. लेवांडोवस्कीने २०२०-२०२१ या सत्रात म्यूनिचकडून खेळताना ४१ गोल नोंदवले तर २०२१ या कॅलेंडर वर्षात ४३ गोल त्याच्या नावावर आहेत.
आतापर्यंत मेस्सीने सहावेळा या पुरस्कारावर नाव कोरलं आहे. तर सलग दुसऱ्यांदा लेवांडोवस्कीने हा पुरस्कार जिंकला. मेस्सीने अर्जेंटिनाकडून खेळत कोपा अमेरिका कप जिंकला. त्यानं आतापर्यंत सात वेळा बेलोन डी ओर ट्रॉफी जिंकली. तर मोहम्मद सालाह याला २०१८ नंतर दुसऱ्यांदा या यादीत स्थान मिळालं आहे.
१२ वर्षानंतर रोनाल्डो आघाडीच्या तीन खेळाडूंमध्येही नाहीय. पोर्तुगालचा स्टार फुटबॉलपटू रोनाल्डो फिफा २०२१ सर्वोत्कृष्ट खेळाडुंच्या नामांकन यादीतून आधीच बाहेर पडला होता. पाचवेळा रोनाल्डोने हा पुरस्कार जिंकला होता. २००७ पासून रोनाल्डोला नामांकनाच्या यादीत येण्यात दोनवेळा अपयश आले आहे. याआधी २०१० मध्ये तो पुरस्काराच्या यादीतून बाहेर होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
