मॅनचेस्टर युनाइटेड फुटबॉल संघाचा फॉरवर्ड आणि स्टार खेळाडू मेसन ग्रीनवुड (Manchester United Mason Greenwood) यांच्यावर त्याच्या गर्लफ्रेंडनं गंभीर आरोप केले आहेत. हॅरियट रॉबसन हिने मारहाण केल्याचा आरोप केला असून तिने दुखापतग्रस्त अवस्थेतील काही फोटो सोशल मीडियाच्या माध्यमातून शेअर केले आहेत. सोशल मिडियावर हे फोटो चांगलेच व्हायरल होताना दिसते.
सोशल मीडियावर जे फोटो आणि व्हिडिओ-ऑडिओ क्लिप व्हायरल होत आहेत त्यातील एका फोटोत हॅरियट रॉबसन (Harriet Robson) ओठातून रक्त वाहताना दिसते. अन्य काही फोटोतून तिच्या शरीरावर अनेक जखमा झाल्याचे दिसून येत आहे. तिने आपल्या इंस्टाग्राम स्टोरीच्या माध्यमातून एक ऑडिओ क्लिप अपलोड केली होती. यात एक पुरुष तिला आक्षेपार्ह शब्दात सुनावताना ऐकायला मिळाले होते.
मेसन ग्रीनवुडची (Mason Greenwood) गर्लफ्रेंड हॅरिएटने (Harriet Robson) सोशल मीडियावर शेअर केलेले फोटो सोशल मीडियावर व्हायरल होत आहे. याप्रकरणात पोलिसांनी फुटबॉलरला अटक केली असून तपास सुरु केला आहे. मॅनचेस्टर युनाइटेड क्लबनेही फुटबॉलरवर कारवाई केली आहे. मेसन ग्रीनवुडला प्रशिक्षण शिबिरात सहभागी होण्यावर निर्बंध घालण्यात आले आहेत.
यापूर्वी युनाइटेड क्लबने सावध पवित्रा घेतला होता. सोशल मीडियावर प्रसिद्ध झालेले फोटो आणि फुटबॉलवर होणारे गंभीर आरोप यासंदर्भात आम्हाला माहिती आहे. क्लब कोणत्याही प्रकारे अशा घटनेचे समर्थन करत नाही. जोपर्यंत गोष्टी स्पष्ट होत नाहीत तोपर्यंत आम्ही कोणतीही भूमिका घेणार नाही, असे क्लबने म्हटले होते. पोलिसांनी कारवाई करताच क्लबनेही कठोर भूमिका घेतल्याचे दिसते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
