नवी दिल्ली : क्रिकेट हा खूप स्पर्धात्मक खेळ आहे. मात्र या खेळात काही वेळा असे हलके फुलके प्रसंग घडतात की त्यामुळे आपल्याला चेहऱ्यावर हास्य उमटत राहते. क्रिकेट सामन्यावेळी अशीच एक घटना घडली जी सध्या सोशल मीडियावर चांगलीच व्हायरल होत आहे. क्रिकेटचे माहेरघर म्हणून ओळखल्या जाणाऱ्या इंग्लंडमध्ये ही घटना घडल्याने याचे 'व्हायरल मूल्य' अधिकच वाढले. इंग्लंडमधील विलेज क्रिकेटच्या (Village Cricket) एका सामन्यात फलंदाज पॅड्स न घालताच ऐटीत मैदानात पोहचला. ज्यावेळी त्याच्या हे लक्षात आले त्यावेळी हा फलंदाज धावत धावात डग आऊटमध्ये पॅड्स घालण्यासाठी पोहचला. (Funny Cricket Video)
सोशल मीडियावर व्हायरल होत असलेला हा व्हिजिओ That's so Village या ट्विटर हँडलवरून शेअर करण्यात आला आहे. या व्हिडिओत साऊथेंड सिविक क्रिकेट क्लबकडून खेळणारा मार्टिन ह्यूजेस फलंदाजीसाठी मैदानावर आला. ऐटीत मैदानात प्रवेश करणाऱ्या मार्टिनला कल्पना नव्हती की तो पॅड्स न घालताच मैदानात आला होता. तो गार्ड घेईपर्यंत देखील त्याला याचा गंधही नव्हाता. अंपायर देखील फोनवर बोलण्यात व्यग्र होते. अखेर प्रतिस्पर्धी खेळाडूने मार्टिनला पॅड्स घातले नसल्याची आठवण करून दिली. त्यानंतर मार्टिन धावत धावत डगआऊटकडे आला.
That's so Village ने आपल्या अधिकृत अकाऊंटवरून हा व्हिडिओ शेअर केला. हा व्हिडिओ सध्या चांगला व्हायरल होत असून आतापर्यंत या व्हिडिओला 11,000 पेक्षा जास्त लाईक आणि 1200 रिट्विट मिळाला आहेत. या व्हिडिओवर चाहत्यांनी कमेंट्सचा पाऊस पाडला आहे. काही नेटकऱ्यांनी देखील आपल्या बाबतीही असा प्रसंग घडला होता असे सांगत आपल्या जुन्या आठवणींना उजाळा दिला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
