Gambhir and Sreesanth Controversy : लिजेंड्स लीग क्रिकेटच्या एलिमिनेटर सामन्यात इंडिया कॅपिटल्सचा सामना गुजरात जायंट्सशी झाला. सुरत येथे खेळल्या जात असलेल्या या सामन्यात गौतम गंभीरच्या नेतृत्वाखालील इंडिया कॅपिटल्सने प्रथम फलंदाजी करत गुजरातला 224 धावांचे लक्ष्य दिले होते. कर्णधारपदाची खेळी खेळताना गंभीरने 30 चेंडूत 51 धावा केल्या. गंभीरने आपल्या खेळीत 7 चौकार आणि 1 षटकार लगावला. गौतम गंभीर मैदानावर केवळ बॅटनेच नाही तर त्यांच्या वृत्तीनीही आक्रमक दिसत होता.
खरं तर, सामन्यादरम्यान गौतम गंभीर आणि एस श्रीसंत यांच्यात जोरदार वादावादी झाली. ही घटना दुसऱ्या षटकात घडली, जेव्हा गंभीर स्ट्राइकवर होता आणि श्रीशांतने पहिले षटक करण्यासाठी आला.
श्रीसंतच्या षटकातील पहिल्याच चेंडूवर गंभीरने गगनचुंबी षटकार ठोकला आणि सर्वजण पाहतच राहिले. तर पुढच्या चेंडूवर गंभीरने आक्रमक शॉट खेळला आणि समोरच्या बाजूने चौकार मारला. एक षटकार आणि एक चौकार मारल्यानंतर श्रीसंतचा संयम सुटला.
काय झालं गंभीर आणि श्रीसंतमध्ये?
षटकातील तिसरा चेंडू डॉट होता आणि चौथ्या चेंडूवरही एकही धाव झाली नाही. चौथा चेंडू डॉट होताच श्रीसंतने गंभीरकडे डोळेवर करून पाहिले. यावर गौतम गंभीरनेही लगेच उत्तर दिले. दोघांमध्ये काही बाचाबाची झाली, पण प्रकरण जास्त पुढे गेले नाही. यानंतर गंभीरने स्फोटक पद्धतीने खेळी सुरू ठेवली. गंभीरने 30 चेंडूत 51 धावा केल्या. यादरम्यान केविन पीटरसनने 15 चेंडूत 26 धावांची शानदार खेळी केली.
गौतम गंभीर आणि एस श्रीसंत हे दोघेही त्यांच्या आंतरराष्ट्रीय कारकिर्दीत आक्रमकतेसाठी ओळखले जात होते. दक्षिण आफ्रिकेतील कसोटी सामन्यात आंद्रे नेलवर षटकार ठोकल्यानंतर श्रीसंतने केलेला डान्स सर्वांनाच आठवत असेल.
आयपीएलमध्येही श्रीशांतची हरभजन सिंगसोबत भांडण झाली होती. आंतरराष्ट्रीय सामन्यांमध्ये गौतम गंभीरने पाकिस्तानी खेळाडूंशी अनेकदा भांडला आहे. कामरान अकमल आणि शाहिद आफ्रिदीसोबतची त्याची लढत प्रसिद्ध आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
