ॲडलेड : ग्लेन मॅक्सवेलच्या शतकी झंझावाताच्या जोरावर यजमान ऑस्ट्रेलियन क्रिकेट संघाने येथे पार पडलेल्या दुसऱ्या टी-२० लढतीत वेस्ट इंडीज संघावर ३४ धावांनी मात केली आणि तीन सामन्यांच्या मालिकेत २-० अशी विजयी आघाडी घेतली. अवघ्या ५५ चेंडूंमध्ये नाबाद १२० धावांची खेळी साकारणारा ग्लेन मॅक्सवेल सामनावीर ठरला.
ऑस्ट्रेलियाकडून वेस्ट इंडीजसमोर २४२ धावांचे आव्हान ठेवण्यात आले होते. वेस्ट इंडीजला मात्र २० षटकांत ९ बाद २०७ धावाच करता आल्या. कर्णधार रोवमन पॉवेल याने ३६ चेंडूंमध्ये पाच चौकार व चार षटकारांसह ६३ धावांची खेळी साकारत कडवी झुंज दिली. आंद्रे रस्सेलने ३७ धावांची आणि जेसन होल्डरने नाबाद २८ धावांची खेळी केली, पण त्यांनाही वेस्ट इंडीजला विजय मिळवून देता आला नाही. वेस्ट इंडीजला ९ बाद २०७ धावांपर्यंत मजल मारता आली.
वेस्ट इंडीज संघाने नाणेफेक जिंकून प्रथम क्षेत्ररक्षण स्वीकारले. चौथ्या क्रमांकावर फलंदाजीला आलेल्या ग्लेन मॅक्सवेल याने ५५ चेंडूंमध्ये नाबाद १२० धावांची तुफानी खेळी साकारली. त्याने आपली खेळी १२ चौकार व ८ षटकारांनी सजवली. मॅक्सवेलने या शतकासोबतच आंतरराष्ट्रीय टी-२० क्रिकेटमधील रोहित शर्माच्या सर्वाधिक पाच शतकांच्या विक्रमाचीही बरोबरी साधली. आता मॅक्सवेल व रोहित यांनी प्रत्येकी पाच शतके झळकावली आहेत.
संक्षिप्त धावफलक ः ऑस्ट्रेलिया- २० षटकांत ४ बाद २४१ धावा (डेव्हिड वॉर्नर २२, मिचेल मार्श २९, ग्लेन मॅक्सवेल नाबाद १२० - चेंडू ५५, चौकार १२, षटकार ८, मार्कस स्टॉयनिस १६, टीम डेव्हिड नाबाद ३१, जेसन होल्डर २/४२) विजयी वि. वेस्ट इंडीज २० षटकांत ९ बाद २०७ धावा (जॉन्सन चार्ल्स २४, निकोलस पूरण १८, रोवमन पॉवेल ६३, आंद्रे रस्सेल ३७, जेसन होल्डर नाबाद २८, मार्कस स्टॉयनिस ३/३६, जॉश हॅझलवूड २/३१, स्पेन्सर जॉन्सन २/३९).
ग्लेन मॅक्सवेल (ऑस्ट्रेलिया) - ५
रोहित शर्मा (भारत) - ५
सूर्यकुमार यादव (भारत) - ४
एस. डेव्हिझी (झेक प्रजासत्ताक) - ३
सी. मुनरो (न्यूझीलंड) - ३
बाबर आझम (पाकिस्तान) - ३
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.