ग्रीक फुटबॉलपटूचा रूग्णवाहिकेअभावी मैदानातच मृत्यू

ग्रीसचा फुटबॉलपटू अलेक्झांड्रोस लॅम्पिसचा ह्रदय विकाराचा झटका आल्याने मैदानातच मृत्यू झाला. ज्यावेळी त्याला ह्रदय विकाराचा झटका आला त्यावेळी मैदानात रूग्णवाहिका (Ambulance) आणि शॉक देण्याचे उपकरण (Defibrillator) देखील नव्हते. ही घटना ग्रीसची राजधानी अथेन्समध्ये (Athens) घडली. या घटनेनंतर तब्बल 20 मिनिटे रूग्णवाहिका आली नव्हती.

ग्रीसचा 21 वर्षाचा फुटबॉलपटू (Football) लॅम्पिस हा इलिओपोली संघाकडून खेळत होता. तो ग्रीसमधील (Greece) तिसऱ्या टायरमधील फुटबॉल स्पर्धेत खेळत होता. त्यांचा सामना इरमिओनिदा यांच्याबरोबर होता. मात्र या घटनेनंतर हा सामना रद्द करण्यात आला आहे. यानंतर इलिओपोली फुटबॉल क्लबने आपल्या वेबसाईटवर एस संदेश लिहिला, 'आपला अलेको (Alexandros Lampis) आपला मित्र, भाऊ तू आम्हाला साडून गेलास. संपूर्ण संघ, संपूर्ण शहर आज दुःखात आहे. कोणाच्या तोंडातून शब्दच फुटत नाहीयेत. सर्वांच्या चेहऱ्यावर असह्य अशा वेदना आहेत.'

फुटबॉल जगतात तरूण खेळाडूंना मैदानातच ह्रदय विकाराचा झटका येण्याच्या घटनांमध्ये वाढ झाली आहे. युरो कप 2020 (Euro Cup 2020) मध्ये देखील डेन्मार्क आणि फिनलँडच्या सामन्यादरम्यान ख्रिस्तियान एरिकसन (Christian Eriksen) एकाकी मैदानात कोसळला होता. त्यावेळी डॅनिश संघासोबत असणारे डॉक्टर मॉर्टेन बोसेन यांनी एरिकसनला ह्रदय विकाराचा झटका आल्याचे सांगितले होते. त्यानंतर त्याला सीपीआर (CPR) ट्रिटमेंट देऊन त्याचे ह्रदय पुन्हा सुरू करण्यात आले होते.