भारताचा अष्टपैलू खेळाडू कृणाल पांड्याचे (Krunal Pandya) ट्विटर अकाऊंट आज सकाळी ( दि. २७ ) हॅक झाले होते. हॅकरनी कृणाल पांड्याचे ट्विटर अकाऊंट बिटकॉईन्ससाठी ( Bitcoins) विक्रीला देखील काढले. याचबरोबर हॅकरनले (Hacker) या ट्विटर अकाऊंटवर काही आक्षेपार्ह कमेंट देखील केल्या. हॅकरने कृणाल पांड्याच्या ट्विटर अकाऊंटवरून जवळपास १० ट्विट केले होते. (Krunal Pandya Twitter account Hack)
गेल्या काही वर्षापासून अनेक क्रिकेटपटूंची सोशल मीडिया अकाऊंट हॅक करण्यात आली होती. ऑक्टोबर २०२१ मध्ये ऑस्ट्रेलियाचा माजी अष्टपैलू खेळाडू शेन वॉट्सनचे (Shane Watson) ट्विटर आणि इन्स्टाग्राम अकाऊंट हॅक झाले होते. याचबरोबर भारताचा माजी विकेटकिपर पार्थिव पटेलने (Parthiv Patel) देखील हॅकरने इन्स्टाग्राम अकाऊंटवर केलेल्या पोस्टकडे दुर्लक्ष करण्याचे आवाहन केले होते.
कृणाल पांड्या संध्या आयपीएल २०२२ (IPL 2022) ची तयारी करत आहे. मुंबई इंडियन्सने त्याला रिटेन केले नसल्याने तो आता मेगा ऑक्शनमध्ये बोली लागण्याच्या प्रतिक्षेत असणार आहे. कृणाल पांड्याने २०१६ मध्ये मुंबई इंडियन्सकडून खेळण्यास सुरूवात केली होती. त्यानंतर मुंबईने त्याला २०१८ मध्ये ८.८ कोटी रूपये देऊन रिटेन केले होते. कृणाल पांड्याने आयपीएल २०२२ च्या लिलावासाठी (IPL 2022 Auction) आपले बेस प्राईस २ कोटी ठेवली आहे.
दरम्यान, त्याचा भाऊ हार्दिक पांड्याला (Hardik Pandya) अहमदाबाद संघाने १५ कोटी रूपये देऊन आपल्या गोटात खेचले आहे. पांड्या अहमदाबादच्या संघाचे नेतृत्व देखील करणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.