Harmanpreet Kaur : आयसीसीने सप्टेंबर महिन्यासाठी सर्वोत्तम खेळाडूचा पुरस्कार जाहीर केला आहे. महिला आणि पुरुष अशा दोन्ही प्रकारात दिल्या जाणाऱ्या या पुरस्कारावरही भारताचे वर्चस्व आहे. भारतीय महिला क्रिकेट संघाची कर्णधार हरमनप्रीत कौर हिला महिलांमध्ये हा सन्मान देण्यात आला आहे. आयसीसी प्लेयर ऑफ द मंथ अवॉर्ड जिंकणारी ती पहिली भारतीय महिला क्रिकेटपटू ठरली आहे.
महिलांमध्ये हरमनप्रीतचा सामना भारताच्या स्मृती मानधना आणि बांगलादेशच्या निगार सुलतानाशी होता. निवडलेल्या तीनही खेळाडूंनी अलीकडच्या काळात वेगवेगळ्या स्पर्धांमध्ये चमकदार कामगिरी केली आहे. भारताच्या हरमनप्रीत आणि मंधाना यांनी गेल्या महिन्यात इंग्लंडमध्ये झालेल्या एकदिवसीय आणि टी-20 मालिकेत चमकदार कामगिरी केली आहे. टीम इंडियाने इंग्लंडविरुद्धची टी-20 मालिका गमावली असली तरी वनडे मालिकेत इंग्लंडचा सफाया केला.
हरमनप्रीतने इंग्लंडविरुद्धच्या निराशाजनक टी-20 मालिकेनंतर एकदिवसीय मालिकेत पुनरागमन केले. तीन एकदिवसीय सामन्यांमध्ये तिने 221 च्या सरासरीने 221 धावा केल्या आणि ती सर्वाधिक धावा करणारी ठरली. हरमनने पहिल्या सामन्यात नाबाद 74 आणि दुसऱ्या सामन्यात नाबाद 143 धावा केल्या. यामुळे भारताने 1999 नंतर इंग्लंडमध्ये पहिली वनडे मालिका जिंकली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
