नवी दिल्ली : भारताचा वेगवान गोलंदाज जसप्रीत बुमराहने दक्षिण आफ्रिकेविरूद्धच्या टी 20 मालिकेत विश्रांती घेण्याचा निर्णय घेतलाय. सध्या भारतीय संघ दक्षिण आफ्रिकेविरूद्ध 5 टी 20 सामन्यांची मालिका खेळत आहे. या मालिकेत जसप्रीत बुमराह खेळत नाहीये. मात्र जसप्रीत बुमराहची सोशल मीडियावरील एक पोस्ट चांगलीच चर्चेत आली आहे. जसप्रती बुमराहने एक लाल रंगाची कॅप हातात घेऊन काढलेला फोटो इन्स्टाग्रावर शेअर केला. ही कॅप आयसीसी टी 20 आंतरराष्ट्रीय दशकातील संघाची आहे. (ICC Send Jasprit Bumrah Special Cap He Share Cap Photo On Instagram Account)
आयसीसीने 2020 मध्ये सर्व फॉरमॅटमधील टीम ऑफ द डिकेडची घोषणा केली होती. टी 20 मध्ये भारताचे चार खेळाडू निवडण्यात आले होते. यात जसप्रीत बुमराह, रोहित शर्मा, विराट कोहली आणि महेंद्रसिंह धोनी यांचा समावेश होता. या संघाचा कर्णधार म्हणून धोनीच्या नावाची घोषणा करण्यात आली होती. जवळपास 18 महिन्यांनी आयसीसीने बुमराहला या संघाची कॅप पाठवून दिली आहे. या कॅपचा फोटो शेअर करत बुमराहने 'या सन्मानासाठी धन्यवाद आयसीसी' असे कॅप्शनही दिले.
2016 मध्ये भारतीय टी 20 संघात पदार्पण करणाऱ्या जसप्रीत बुमराहची या फॉरमॅटमधील आकडेवारी खूप दमदार आहे. त्याने आतापर्यंत 57 सामने खेळले असून यात फक्त 6.51 च्या सरासरीने धावा देत 67 विकेट घेतल्या आहेत. बुमराहने श्रीलंकेविरूद्ध फेब्रुवारीत आपला शेवटचा टी 20 सामना खेळला होता. त्यानंतर आयपीएलमध्ये शेवटी शेवटची तो पुन्हा फॉर्ममध्ये आलेला दिसला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
