World Cup 2023 India Schedule: तारीख ठरली ! या दिवशी टीम इंडिया भिडणार पाकिस्तानशी, पाहा भारताचे पूर्ण वेळापत्रक

ICC World Cup 2023 India Schedule : आयसीसी एकदिवसीय विश्वचषक 2023 आता फक्त 4 महिने बाकी आहे, ही स्पर्धा जसजशी जवळ येत आहे तसतसा चाहत्यांचा उत्साह वाढत आहे. भारत 2023 च्या विश्वचषकाचे यजमानपद भूषवणार आहे हे सर्वांनाच माहीत आहे.

बीसीसीआय आणि आयसीसीने विश्वचषकाचे वेळापत्रक जाहीर केले आहे. भारतीय क्रिकेट संघ 15 ऑक्टोबर रोजी अहमदाबादच्या नरेंद्र मोदी स्टेडियमवर वर्ल्ड कपमध्ये पाकिस्तानशी खेळणार आहे. चला तर मग रोहित अँड कंपनीच्या संपूर्ण विश्वचषकाच्या वेळापत्रकावर एक नजर टाकूया.

भारतीय क्रिकेट संघ एकदिवसीय विश्वचषक 2023 ची सुरुवात 8 ऑक्टोबरला ऑस्ट्रेलियाविरुद्ध करणार आहे. भारताचा पहिला सामना ऑस्ट्रेलियाविरुद्ध चेन्नईच्या एम चिदंबरम स्टेडियमवर खेळल्या जाणार आहे. गेल्यावेळेप्रमाणेच यावेळीही टीम इंडिया विश्वचषकात पूर्ण 9 सामने खेळणार आहे. टीम इंडियाने गेल्या दोन एकदिवसीय विश्वचषकात उपांत्य फेरी गाठली होती, मात्र दोन्ही सामन्यांमध्ये त्यांना पराभवाचा सामना करावा लागला होता.

एकदिवसीय विश्वचषक 2023 च्या स्पर्धेत एकूण 10 संघ सहभागी होणार आहेत. गुणतालिकेत अव्वल 4 मधील संघ उपांत्य फेरीसाठी पात्र ठरतील. 15 नोव्हेंबरला पहिला उपांत्य सामना मुंबईत होणार आहे. तर दुसरा उपांत्य सामना 16 नोव्हेंबरला कोलकाता येथे होणार आहे. मात्र, विश्वचषकाचा अंतिम सामना अहमदाबादच्या नरेंद्र मोदी स्टेडियमवर आयोजित केला जाणार आहे.

वर्ल्ड कपसाठी टीम इंडियाचे संपूर्ण वेळापत्रक

• पहिला सामना - भारत विरुद्ध ऑस्ट्रेलिया, 8 ऑक्टोबर, चेन्नई

• दुसरा सामना - भारत विरुद्ध अफगाणिस्तान, 11 ऑक्टोबर, दिल्ली

• तिसरा सामना - भारत विरुद्ध पाकिस्तान, 15 ऑक्टोबर, अहमदाबाद

• चौथा सामना - भारत विरुद्ध बांगलादेश, 19 ऑक्टोबर, पुणे

• पाचवा सामना - भारत विरुद्ध न्यूझीलंड, 22 ऑक्टोबर, धर्मशाला

• सहावा सामना - भारत विरुद्ध इंग्लंड, २९ ऑक्टोबर, लखनौ

• सातवा सामना - भारत विरुद्ध क्वालिफायर 2, 2 नोव्हेंबर, मुंबई

• आठवा सामना - भारत विरुद्ध दक्षिण आफ्रिका, 5 नोव्हेंबर, कोलकाता

• नववा सामना - भारत विरुद्ध क्वालिफायर 1, 11 नोव्हेंबर, बेंगळुरू