India vs Australia 1st Test Day 3 Live Cricket Score :
भारताने ऑस्ट्रेलियाचा पहिल्या कसोटी सामन्यात एक डाव आणि 132 धावांनी पराभव करत 4 कसोटी सामन्यांच्या मालिकेत 1 - 0 अशी आघाडी घेतली. भारताने पहिल्या डावात 223 धावांची आघाडी घेतल्यानंतर दुसऱ्या डावात ऑस्ट्रेलियाचा डाव 91 धावातच संपुष्टात आला. भारताकडून अश्विनने 37 धावात 5 विकेट्स घेतल्या. तर जडेजाने आणि मोहम्मद शमीने प्रत्येकी 2 विकेट घेत चांगली साथ दिली.
भारताने नाणेफेक जिंकून प्रथम फलंदाजी केलेल्या कांगारूंचा पहिला डाव 177 धावात संपवला. त्यानंतर आपल्या पहिल्या डावात 400 धावांचा डोंगर उभारत पहिल्या डावात 223 धावांची भक्कम आघाडी घेतली. यानंतर कांगारूंनचा दुसरा डाव धावात संपवत दुसऱ्यांदा फलंदाजी करण्याची तसदी घेतली नाही. विशेष म्हणजे पहिल्या डावात कांगारूंनी 64 षटके तर धरला तर दुसऱ्या डावात 33 षटकेच खेळू शकले.
भारताकडून दुसऱ्या डावात अश्विनने 5 विकेट्स घेतल्या तर रविंद्र जडेजाने त्याला विकेट्स घेत चांगली साथ दिली. फलंदाजीत बोलायचे झाले तर रोहित शर्माने सर्वाधिक 120 धावा तर अक्षर पटेलने 84 आणि रविंद्र जडेजाने 70 धावांचे योगदान दिले.
तत्पूर्वी, ऑस्ट्रेलियाने पहिल्या डावात 177 धावा केल्या होत्या. प्रत्युत्तरात भारताचा पहिला डाव तिसऱ्या दिवशी 400 धावात संपुष्टात आला. रोहित शर्माने सर्वाधिक 120 धावा तर अक्षर पटेलने 84 आणि रविंद्र जडेजाने 70 धावांचे योगदान दिले. भारताने पहिल्या डावात 223 धावांची आघाडी घेतली. ऑस्ट्रेलियाकडून टॉड मर्फीने सर्वाधिक 7 विकेट्स घेतल्या. तर पॅट कमिन्सने 2 विकेट्स घेत त्याला चांगली साथ दिली.
रविंद्र जडेजाने पॅट कमिन्सला 1 तर अक्षर पटेलने मर्फीला 2 धावांवर बाद केले.
अश्विनने ऑस्ट्रेलियाची बॅटिंग लाईन अप संपवण्याचा सपाटाच लावला. त्याने हँडस्कॉम्ब, रेनशॉ आणि कॅरीची विकेट घेत कांगारूंची अवस्था 6 बाद 64 धावा अशी केली.
अश्विनने संथ फलंदाजी करणाऱ्या डेव्हिड वॉर्नरला 10 धावांवर बाद करत ऑस्ट्रेलियाला तिसरा धक्का दिला.
अश्विन पाठोपाठ रविंद्र जडेजाने देखील ऑस्ट्रेलियाला धक्के देण्यास सुरूवात केली. जडेजाने कांगारूंचा अव्वल फलंदाज मार्नस लाबुशानेला 17 धावांवर बाद केले.
विराट कोहलीने स्लीपमध्ये अश्विनच्या गोलंदाजीवर डेव्हिड वॉर्नरचा 2 धावांवर झेल सोडला.
भारताने पहिल्या डावात 223 धावांची आघाडी घेतल्यानंतर ऑस्ट्रेलियाच्या दुसऱ्या डावाची सुरूवात खराब झाली. सलामीवीर उस्मान ख्वाजाला रविचंद्रन अश्विनने 5 धावांवर बाद करत कांगारूंना पहिला धक्का दिला.
भारताचा डाव 400 धावांवर संपला. ऑस्ट्रेलियन कर्णधार पॅट कमिन्सने अक्षर पटेलला 84 धावांवर क्लीन बोल्ड करून शतकाचे स्वप्न भंगले. टीम इंडियाने ऑस्ट्रेलियावर पहिल्या डावात 223 धावांची आघाडी घेतली आहे.
भारताची 9वी विकेट पडली आहे. मोहम्मद शमी 37 धावा करून बाद झाला.
मोहम्मद शमी आणि अक्षर पटेल या जोडीने ऑस्ट्रेलियाचे टेन्शन वाढवले आहे. आतापर्यंत दोघांमध्ये 36 धावांची भागीदारी झाली आहे. शमी 22 आणि अक्षर 69 धावांवर नाबाद आहे. भारताची आघाडीही आता 200 पार झाली आहे.
पदार्पण करणारा ऑफस्पिनर टॉड मर्फीने रवींद्र जडेजाला बाद करून भारताला 8वा धक्का दिला आहे. जडेजा 185 चेंडूत 70 धावा करून बाद झाला. जडेजाने आपल्या खेळीत 9 चौकार मारले.
ऑस्ट्रेलियाने नाणेफेक जिंकून प्रथम फलंदाजी करताना 177 धावा केल्या. मार्नस लबुशेनने 49 धावा केल्या तर स्टीव्ह स्मिथने 37 आणि अॅलेक्स कॅरीने 36 धावा केल्या. भारताकडून जडेजाने पाच आणि अश्विनने तीन विकेट घेतल्या.
प्रत्युत्तरात भारताने सात गडी गमावून 321 धावा केल्या. भारतीय कर्णधार रोहित शर्मा 120 धावा करून बाद झाला. त्याचवेळी रवींद्र जडेजा 66 आणि अक्षर पटेल 52 धावांवर खेळत आहे. ऑस्ट्रेलियाकडून टॉड मर्फीने पाच बळी घेतल्या तरी भारताकडे 144 धावांची आघाडी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.