IND vs AUS 3rd ODI : भारताने ऑस्ट्रेलियाविरूद्धच्या तीन वनडे सामन्यातील पहिल्या दोन सामन्यात विजय मिळवला आहे. मालिका 2 - 0 अशी खिशात टाकल्यानंतर तिसऱ्या सामन्यात भारतीय संघातील दिग्गज खेळाडू संघात परतले आहेत. मात्र या सामन्यासाठी भारतीय संघ व्यवस्थापनाने आपला संघ फक्त 13 खेळाडूंचाच ठेवला आहे. त्यामुळे जर गरज लागली तर राजकोटमधील स्थानिक खेळाडूंना मैदानावर उतरावं लागले का अशी शक्यता निर्माण झाली आहे.
भारत आणि ऑस्ट्रेलिया यांच्यातील तिसरा वनडे सामना हा एक औपचारिकताच राहिली आहे. भारतीय संघाने तरी हा सामना एक औपचारिकताच म्हणून पाहिला आहे. म्हणूनच आपला संघ 13 खेळाडूंवर आणून ठेवला आहे. जर या सामन्यात काही खेळाडूंना दुखापत झाली तर रोहित शर्माला स्थानिक खेळाडूंचा सहारा घ्यावा लागण्याची शक्यता आहे.
पहिल्या दोन सामन्यात विश्रांती घेणारा रोहित शर्मा तिसऱ्या वनडे सामन्यासाठी संघात परतला आहे. त्याने सामन्यापूर्वीच्या पत्रकारपरिषदेत तिसऱ्या वनडेसाठी भारताचा संघ 13 खेळाडूंचा असेल असे सांगितले.
तो म्हणाला, 'आमचे बरेच खेळाडू हे आजारी पडले आहेत. ते उपलब्ध राहू शकत नाहीत. काही खेळाडू वैयक्तिक कारणामुळे घरी गेले आहेत. काहींना विश्रांती देण्यात आली आहे. त्यामुळे आमच्याकडे फक्त 13 खेळाडूंच आहेत.'
भारतीय संघाला सरावावेळी त्यांच्या मुख्य गोलंदाजांवरच अवलंबून रहावे लागले. कारण संघातील सर्व अतिरिक्त खेळाडू हे रिलीज करण्यात आले आहेत. त्यामुळे आता जर गरज लागलीच तर बदली क्षेत्ररक्षक म्हणून सपोर्ट स्टाफ किंवा स्थानिक खेळाडूंवर अवलंबून रहावं लागले. अशी परिस्थिती जर दोनपेक्षा जास्त खेळाडू दुखापग्रस्त झाले तर उद्भवू शकते.
बंगालचा वेगवान गोलंदाज मुकेश कुमारला जसप्रीत बुमराहच्या जागी बोलवण्यात आलं होतं. मात्र एशियन गेम्ससाठी भारतीय संघ मंगळवारी चीनला रवाना होणार आहे. मुकेश देखील त्या संघाचा भाग आहे.
रोहित म्हणाला की, 'संघातील अनेक खेळाडू आजारी आहेत. त्यामुळे सध्याच्या घडीला संघात खूप अनिश्चितता आहे. काही गोष्टी आमच्या हातात नाहीत.'
रोहित शर्मा (कर्णधार), विराट कोहली, श्रेयस अय्यर, सूर्यकुमार यादव, केएल राहुल, इशान किशन, रविंद्र जडेजा, वॉशिंग्टन सुंदर, कुलदीप यादव, आर अश्विन, जसप्रीत बुमराह, मोहम्मद सिराज, मुकेश कुमार.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
