Rishabh Pant : पाठीवर जखम अन् ऋषभ पंत स्विमिंग पूलमध्ये...! बरं होण्याच्या दिशेने टाकले पहिलं पाऊल

Rishabh Pant News: जर तुम्ही क्रिकेटच्या मैदानावर ऋषभ पंतची आतुरतेने वाट पाहत असाल तर तुमच्यासाठी एक आनंदाची बातमी आहे.

ऋषभ पंतने सोशल मीडिया प्लॅटफॉर्म इन्स्टाग्रामवर एक नवीन व्हिडिओ पोस्ट केला आहे, ज्यामध्ये तो स्विमिंग पूलमध्ये चालताना दिसत आहे. यावरून पंतची रिकव्हरी योग्य दिशेने सुरू असून तो लवकरच क्रिकेटच्या मैदानात परतणार असल्याचे स्पष्ट झाले आहे.

पंत आगामी आयपीएलमध्ये खेळणार नाही. त्याच्या परतीला अजून पाच ते सहा महिने लागू शकतात. पंत त्याच्या चाहत्यांना त्याच्या फिटनेसबाबत सोशल मीडियावर अपडेट देत असतो. व्हिडिओ शेअर करताना पंतने कॅप्शनमध्ये लिहिले की, "छोट्या गोष्टींसाठी, मोठ्या गोष्टींसाठी कृतज्ञ आहे."

पंतने नुकतेच दोन पोस्टद्वारे आपल्या मनात काय चालले आहे हे सांगण्याचा प्रयत्न केला. पंतने इंस्टाग्राम स्टोरीमध्ये बुद्धिबळाचा पहिला फोटो शेअर केला आहे. त्याला बुद्धिबळ खेळायला खूप आवडते. बुद्धिबळाच्या खेळाप्रमाणे क्रिकेटच्या मैदानावरही सर्व काही झटपट बदलण्यात तो पटाईत आहे.

यानंतर पंतने त्याच्या दुसऱ्या इंस्टाग्राम स्टोरीमध्ये एक छोटा व्हिडिओ शेअर केला आहे. या व्हिडिओमध्ये तो टेरेसवर बसला होता. त्याचा एक व्हिडिओ त्याच्या एका मित्राने बनवला होता.

गेल्या वर्षाच्या अखेरीस 30 डिसेंबरला पंत रस्त्यावर अपघातात बळी पडला होता. रुरकीजवळ त्यांच्या कारला अपघात झाला. या अपघातात पंत गंभीर जखमी झाला होता. प्राथमिक उपचारानंतर त्याला मुंबईला हलवण्यात आले आता तो घरी आला आहे.