Rishabh Pant IND vs BAN 1st Test : केएल राहुलच्या नेतृत्वाखाली भारतीय संघ बांगलादेशविरुद्धच्या कसोटी मालिकेतील पहिला सामना जहूर अहमद चौधरी स्टेडियमवर आज खेळणार आहे. या सामन्यापूर्वी टीम इंडियाचे गोलंदाजी प्रशिक्षक पारस म्हांब्रे यांनी पत्रकार परिषद घेतली. यादरम्यान त्याने संघाचा यष्टिरक्षक फलंदाज ऋषभ पंतबद्दल मोठे वक्तव्य केले. पारस म्हांब्रे यांनी सांगितले की, संघ व्यवस्थापन ऋषभ पंत कधीही एक गोष्ट करण्याचा सल्ला देत नाही.
भारताचे गोलंदाजी प्रशिक्षक पारस म्हांब्रे म्हणाले की, संघ व्यवस्थापन ऋषभ पंतला त्याच्या नैसर्गिक आक्रमणाचा खेळ बदलण्याचा सल्ला देणार नाही. त्याला त्याची भूमिका आणि त्याच्याकडून ठेवलेल्या अपेक्षांची जाणीव आहे. पंतने 31 सामन्यांमध्ये 5 कसोटी शतके आणि 10 अर्धशतके केली आहेत. त्याने इंग्लंड, ऑस्ट्रेलिया आणि दक्षिण आफ्रिका यांसारख्या संघांविरुद्ध शतके झळकावली आहेत. पहिल्या कसोटीपूर्वी पंत नेटवर आक्रमक फलंदाजी करताना दिसला.
पारस म्हांब्रे यांना पंतच्या वृत्तीबद्दल विचारले असता ते म्हणाले, 'आम्ही ऋषभशी कोणतीही विशेष चर्चा केलेली नाही. ही त्याची खेळण्याची पद्धत आहे आणि आम्हाला ते माहित आहे. काहीही बदलले नाही. तो कसा खेळतो याबद्दल आम्ही कधीच बोलत नाही कारण संघाला त्याच्याकडून काय अपेक्षा आहेत हे त्याला ठाऊक आहे.
भारतीय संघ तीन फिरकीपटूंसोबत जाणार की तीन वेगवान गोलंदाजांना प्राधान्य देणार हे म्हांब्रे यांनी उघड केले नाही. पण अनुभवी वेगवान गोलंदाज उमेश यादव भारतीय वेगवान गोलंदाजी आक्रमणाचे नेतृत्व करत आहे याचा त्याला आनंद आहे. म्हांब्रे म्हणाले, 'उमेश हा अतिशय अनुभवी गोलंदाज आहे. उमेश काय करू शकतो हे आपल्या सर्वांना माहीत आहे. दुर्दैवाने त्याला जास्त संधी मिळाल्या नाहीत कारण आमच्याकडे जसप्रीत बुमराह, मोहम्मद शमी आणि मोहम्मद सिराज इंग्लंडमध्ये खेळत होते. संघ व्यवस्थापनाने त्याच्याशी बोलून चर्चा केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
