Ind vs Eng 1st Test: टीम इंडिया आणि इंग्लंड (Ind vs Eng 1st Test) यांच्यातील पहिली कसोटी पावसामुळे अनिर्णित राहिली. इंग्लंडने दुसऱ्या डावात केलेल्या चांगल्या फलंदाजीमुळे सामन्यात रंगत आली होती. पण पावसाने (Rain Stopped Play) रंगाचा बेरंग केला. पाचव्या दिवसाचा खेळ होऊच शकला नाही आणि सामना अनिर्णित (Match Drawn) राहिला. इंग्लंडचा कर्णधार जो रूट (Joe Root) याने पहिल्या डावाता अर्धशतक तर दुसऱ्या डावात शतक ठोकले. विराटला मात्र एकमेव डावात शून्यावर बाद व्हावे लागले. असे असताना दोन्ही कर्णधारांवर दंडात्मक कारवाई करण्यात आली.
कसोटी अजिंक्यपद २०२१-२०२३ या स्पर्धेत पहिलाच सामना अनिर्णित राहिल्याने दोन्ही संघांना २-२ गुण मिळाले, पण चार दिवसांचा जो खेळ झाला त्यात या दोघांना एका गोष्टीसाठी दंडात्मक कारवाईला सामोरे जावे लागले. कसोटी क्रिकेटमध्ये षटकांची गती कमी राखल्याप्रकरणी या दोघांनाही दंड ठोठवण्यात आला. दोन्ही संघांना सामन्याच्या मानधनापैकी ४० टक्के मानधन दंड म्हणून भरण्याचे आदेश सामनाधिकारी ख्रिस ब्रॉड यांनी दिले. चार दिवस झालेल्या खेळात दोन्ही संघांकडून नियमापेक्षा कमी षटके टाकली गेली. त्यामुळे दोनही कर्णधारांना त्याचा फटका बसला.
असा रंगला चार दिवसांचा खेळ
पहिल्या चार दिवसांच्या खेळात इंग्लंडचा पहिला डाव १८३ धावांवर तर भारताचा पहिला डाव २७८ धावांवर आटोपला. त्यानंतर इंग्लंडने दुसऱ्या डावात चांगला कमबॅक केला. इंग्लंडचा कर्णधार जो रूट याचे शतक (१०९), जॉनी बेअरस्टो (३०) आणि सॅम करन (३२) या तिघांनी संघाला त्रिशतकी मजल मारून दिली. त्यामुळे भारताला विजयासाठी २०९ धावांचे आव्हान मिळाले. चौथ्या दिवसाचा खेळ संपेपर्यंत भारताकडून पहिल्या डावात दमदार ८२ धावा करणारा राहुल स्वस्तात बाद झाला. त्यानंतर दिवसाचा खेळ संपेपर्यंत रोहित शर्मा आणि चेतेश्वर पुजारा दोघांनी प्रत्येकी १२ धावा केल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.