IND vs ENG 2nd Test 2024 : भारत आणि इंग्लंड यांच्यात पाच सामन्यांची कसोटी मालिका खेळली जात आहे. या मालिकेतील पहिला सामना टीम इंडियाला लाजिरवाण्या पराभवाला सामोरे जावे लागले. दरम्यान, मालिकेतील पुढील सामन्यापूर्वी टीम इंडियामध्ये मोठा बदल करण्यात आला आहे. बीसीसीआयने यांची घोषणा केली आहे. संघात 3 युवा खेळाडूंचा समावेश करण्यात आला आहे. हे तिन्ही खेळाडू कसोटी मालिकेतील दुसऱ्या सामन्यात टीम इंडियाच्या संघाचा भाग असतील.
भारतीय निवड समितीने मालिकेतील दुसऱ्या सामन्यासाठी सरफराज खान, सौरभ कुमार आणि वॉशिंग्टन सुंदर यांचा भारतीय संघात समावेश केला आहे. दुसरीकडे, आवेश खान त्यांच्या रणजी संघासोबत खेळत आहे, पण गरज पडल्यास तो कसोटी संघात सामील होईल.
इंग्लंडविरुद्धच्या कसोटी मालिकेत टीम इंडियाची सुरुवात खूपच खराब झाली आहे. हैदराबादमध्ये खेळल्या गेलेल्या मालिकेतील पहिल्या सामन्यात टीम इंडियाला 28 धावांनी पराभव स्वीकारावा लागला होता.
या सामन्याच्या पहिल्या डावात टीम इंडियाने 190 धावांची आघाडी घेतली होती. मात्र त्यानंतरही 28 धावांनी पराभवाला सामोरे जावे लागले. भारतीय क्रिकेटच्या इतिहासात पहिल्या डावात 100 धावांची आघाडी घेतल्यानंतर टीम इंडियाने घरच्या मैदानावर कसोटी सामना गमावण्याची ही पहिलीच वेळ आहे.
दुसऱ्या कसोटी सामन्यासाठी भारतीय संघ - रोहित शर्मा (कर्णधार), शुभमन गिल, यशस्वी जैस्वाल, श्रेयस अय्यर, केएस भरत (यष्टीरक्षक), ध्रुव जुरेल (यष्टीरक्षक), रविचंद्रन अश्विन, अक्षर पटेल, कुलदीप यादव, मोहम्मद सिराज, मुकेश कुमार, जसप्रीत बुमराह, अवेश खान, सरफराज खान, वॉशिंग्टन सुंदर, सौरभ कुमार.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
