Ind Vs Eng : तिसऱ्या कसोटी सामन्यासाठी लवकरच टीम इंडियाची घोषणा! जडेजाने दिले दुखापतीबद्दल अपडेट

India vs England 3rd Test : भारत आणि इंग्लंड यांच्यातील कसोटी मालिकेतील तिसरा सामना राजकोट येथे खेळला जाणार आहे. भारतीय क्रिकेट नियामक मंडळ (BCCI) लवकरच तिसऱ्या सामन्यासाठी टीम इंडियाची घोषणा करू शकते. तिसऱ्या कसोटी सामन्यासाठी टीम इंडियाचे प्लेइंग इलेव्हन कसे असेल याकडे सर्वांचे लक्ष लागले आहे.

तिसऱ्या कसोटी सामन्याबाबत टीम इंडियाची घोषणा होण्यापूर्वी स्टार अष्टपैलू रवींद्र जडेजाने त्याच्या दुखापतीबाबत अपडेट दिले आहे. जडेजा मालिकेतील पहिल्या सामन्याच्या दुसऱ्या डावात जखमी झाला होता. त्यानंतर जडेजाला दुसऱ्या कसोटी सामन्यातून बाहेर व्हावे लागले. सध्या, जडेजा राष्ट्रीय क्रिकेट अकादमी (NCA) बेंगळुरू येथे पुनर्वसन करत आहे.

बीसीसीआय तिसऱ्या कसोटी सामन्यासाठी टीम इंडियाची घोषणा करू शकते. दरम्यान, जडेजाने त्याच्या सोशल मीडिया अकाऊंटवर एक फोटो शेअर करून दुखापतीबाबत ताजी माहिती दिली आहे. रवींद्र जडेजाने हा फोटो आपल्या इंस्टाग्राम अकाउंटवर 7 फेब्रुवारीला शेअर केला होता. जडेजाने या फोटोच्या कॅप्शनमध्ये लिहिले की, तो बरा होत आहे. मात्र, रवींद्र जडेजा टीम इंडियात कधी परतणार हे अद्याप निश्चित झालेले नाही.

भारत आणि इंग्लंड यांच्यातील 5 सामन्यांच्या कसोटी मालिकेतील तिसरा सामना 15 फेब्रुवारीपासून राजकोटमध्ये खेळला जाणार आहे. या सामन्यात टीम इंडियाच्या प्लेइंग इलेव्हनमध्ये बदल दिसू शकतात. टीम इंडियाचा स्टार फलंदाज विराट कोहलीच्या पुनरागमनाकडे सर्वांचे लक्ष लागले आहे.

या कसोटी मालिकेतील पहिल्या दोन सामन्यांत विराट कोहली बाहेर होता. त्यानंतर आता विराट कोहली इंग्लंडविरुद्धच्या तिसऱ्या आणि चौथ्या कसोटी सामन्यास मुकण्याची शक्यता आहे. इतकेच नाही तर तो पाचव्या सामन्यातही खेळणे जवळपास अनिश्चित आहे. याशिवाय यष्टीरक्षक फलंदाज केएल राहुलही तिसऱ्या सामन्यात पुनरागमन करू शकतो.

केएल राहुललाही मालिकेतील पहिल्या कसोटी सामन्यात दुखापत झाली होती. यानंतर केएल राहुललाही दुसऱ्या कसोटी सामन्यातून बाहेर व्हावे लागले. आता तिसऱ्या कसोटी सामन्यात केएल राहुलही पुनरागमन करू शकतो, अशी अपेक्षा आहे. पहिल्या सामन्यात केएल राहुलने अप्रतिम फलंदाजी केली होती. पहिल्या डावात केएल राहुलने शानदार फलंदाजी करत 86 धावा केल्या. दुसऱ्या डावात केएल राहुलच्या बॅटमधून 22 धावा आल्या.