IND vs ENG 3rd Test Jack Leach : भारत आणि इंग्लंड यांच्यातील तिसऱ्या कसोटीपूर्वी पाहुण्या इंग्लंडला मोठा धक्का बसला आहे. इंग्लंडचा डावखुरा फिरकी गोलंदाज जॅक लीच संघातून बाहेर गेला असून तो दुखापतीमुळे संपूर्ण मलाकेला मुकला आहे. इंग्लंड क्रिकेट बोर्डाने आपल्या अधिकृत एक्स (ट्विटर) अकाऊंटवरून याची माहिती दिली. लिच भारताविरूद्धच्या पहिल्या कसोटीत खेळला होता. लीच हा मायदेशात परतणार आहे.
भारत आणि इंग्लंड यांच्यातील हैदराबाद येथे झालेल्या सामन्यात लीचने इंग्लंडच्या विजयात दुखापतग्रस्त असूनही आपली भुमिका बजावली होती. त्याने पहिल्या आणि दुसऱ्या डावात एक एक विकेट घेतली होती. दरम्यान सामना सुरू असताना त्याच्या गुडघ्याला पुन्हा दुखापत झाली. त्यामुळे तो दुसऱ्या कसोटी सामन्यात खेळू शकला नव्हता. आता तो पूर्ण मालिकेलाच मुकला आहे. भारतीय खेळपट्ट्यांवर फिरकीपटू महत्वाची भुमिका बजावतात. मात्र इंग्लंडचा अनुभवी लिचची उणीव इंग्लंडला पुढच्या तीन कसोटीत नक्कीच जाणवेल.
लीच हा लवकरच मायदेशी इंग्लंडला रवाना होणार आहे. त्याच्या जागी कोणाला संधी देण्यात येणार हे अजून स्पष्ट केलेलं नाही. भारताने मालिकेतील दुसरा कसोटी सामना 106 धावांनी जिंकला होता. मालिका सध्या 1 - 1 अशी बरोबरीत आहे. 15 फेब्रुवारीपासून राजकोटमध्ये मालिकेलीत तिसरा कसोटी सामना खेळवण्यात येणार आहे. ही खेळपट्टी फिरकीला पोषक मानली जाते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
