India vs England : इंग्लंड क्रिकेट संघ या महिन्यात भारत दौऱ्यावर जाणार आहे. दोन्ही संघांमध्ये 5 सामन्यांची कसोटी मालिका खेळली जाणार आहे. याआधी इंग्लंड लायन्स संघ भारत अ विरुद्ध तीन चार दिवसीय सामने खेळणार आहे. हे सामने अहमदाबादमध्ये होणार आहेत. या मालिकेसाठी इंग्लंड लायन्स संघाच्या प्रशिक्षकांची घोषणा करण्यात आली आहे. यामध्ये भारतीय क्रिकेटपटू दिनेश कार्तिकचाही समावेश करण्यात आला आहे.
इंग्लंडचे पुरुष एलिट वेगवान गोलंदाजी प्रशिक्षक नील किलीन हे या दौऱ्यावर इंग्लंड लायन्स संघाचे मुख्य प्रशिक्षक असतील. त्याचबरोबर भारताचा आंतरराष्ट्रीय यष्टीरक्षक-फलंदाज दिनेश कार्तिकचा कोचिंग स्टाफमध्ये समावेश करण्यात आला आहे. तो फलंदाजी सल्लागार म्हणून संघात सामील होणार आहे. दौरा सुरू होण्यापूर्वी दिनेश कार्तिक जवळपास नऊ दिवस संघासोबत असेल.
इंग्लंड लायन्स संघाचे प्रशिक्षक
नील किलन - मुख्य प्रशिक्षक
रिचर्ड डॉसन – सहाय्यक प्रशिक्षक (10- 19 जानेवारी)
कार्ल हॉपकिन्सन - सहाय्यक प्रशिक्षक
इयान बेल - फलंदाजी सल्लागार (18 जानेवारीपासून)
दिनेश कार्तिक - फलंदाजी सल्लागार (10 - 18 जानेवारी)
ग्रॅम स्वान - मार्गदर्शक
इंग्लंड लायन्स विरुद्ध भारत अ मालिका वेळापत्रक
12-13 जानेवारी : इंग्लंड लायन्स विरुद्ध भारत अ, नरेंद्र मोदी स्टेडियम - ग्राउंड बी
17-20 जानेवारी : इंग्लंड लायन्स विरुद्ध भारत अ, नरेंद्र मोदी स्टेडियम, अहमदाबाद
24-27 जानेवारी : इंग्लंड लायन्स विरुद्ध भारत अ, नरेंद्र मोदी स्टेडियम, अहमदाबाद
1-4 फेब्रुवारी : इंग्लंड लायन्स विरुद्ध भारत अ, नरेंद्र मोदी स्टेडियम, अहमदाबाद
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
