भारतीय क्रिकेट संघ इंग्लंडमध्ये इतिहास रचण्याच्या जवळ आहे. रोहित शर्माच्या नेतृत्वाखालील टीम इंडिया इंग्लंड दौऱ्यावर चांगलाच घाम गाळत आहे. 1 जुलैपासून एजबेस्ट येथे होणार्‍या पाचव्या आणि शेवटच्या कसोटीपूर्वी केएल राहुल दुखापतीमुळे मालिकेतून बाहेर पडल्याने भारतीय संघासमोर समस्या निर्माण झाल्या आहे. राहुलच्या गैरहजेरीत इंग्लंडविरुद्धच्या पाचव्या आणि शेवटच्या कसोटीत शुभमन गिल रोहितसोबत ओपनिंग करणार असल्याचे मानले जात आहे.
भारतीय संघ इंग्लंडमध्ये पोहोचल्यानंतर सरावाला सुरुवात केली आहे. लंडनहून लीसेस्टरला गेल्यानंतर टीम इंडियाने सोमवारी पहिल्या सराव सत्रात भाग घेतला. एकीकडे विराट कोहली, चेतेश्वर पुजारा, प्रसिद्ध कृष्णा आणि मोहम्मद शमी फुटबॉल खेळताना दिसले, तर दुसरीकडे कर्णधार रोहित शर्मा आणि शुभमन गिल नेटमध्ये घाम गाळताना दिसत आहे.
भारतीय संघ १६ जूनला इंग्लंडला पोहोचला होता. मात्र, आता सराव सामना खेळण्यासाठी लीसेस्टर आला आहे. कर्णधार रोहित शर्मा एका दिवसानंतर संघात सामील होता. त्याचवेळी प्रशिक्षक राहुल द्रविड, यष्टिरक्षक फलंदाज ऋषभ पंत आणि मधल्या फळीतील फलंदाज श्रेयस अय्यर सोमवारी इंग्लंडला पोहोचले आहे. द्रविड, पंत आणि अय्यर आज सराव सत्रात भाग घेणार आहे.
भारतीय संघ - रोहित शर्मा, शुभमन गिल, विराट कोहली, श्रेयस अय्यर, हनुमा विहारी, चेतेश्वर पुजारा, ऋषभ पंत, केएस भरत, रवींद्र जडेजा, आर अश्विन, शार्दुल ठाकूर, मोहम्मद शमी, जसप्रीत बुमराह, मोहम्मद सिराज, उमेश यादव, प्रसिद्ध कृष्णा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
