विराटमुळे जॉनी बेयरस्टो 'पुजाराचां पंत' झाला; सेहवाग ट्विट व्हायरल

भारत आणि इंग्लंड यांच्यातील एजबॅस्टन कसोटीतील तिसरा दिवसाचा खेळ सुरू आहे. पहिल्या दोन दिवसांत भारतीय संघाने या सामन्यात आपले पूर्णपणे वर्चस्व दाखवले आहे. पाचव्या कसोटीतील तिसऱ्या दिवसाची सुरुवात जोरदार वादाने झाली. इंग्लंडचा जॉनी बेअरस्टो आणि टीम इंडियाचा माजी कर्णधार विराट कोहली यांच्यात मैदानावर वाद झाला. टीम इंडियाच्या 416 धावांसमोर इंग्लंडने पहिल्या डावात 284 धावा केल्या. (ind vs eng virat kohli sledging jonny bairstow virender sehwag statement)

इंग्लंडसाठी या धावसंख्येपर्यंत नेण्यात जॉनी बेअरस्टोने सर्वांत महत्त्वाची भूमिका बजावली आहे. या सामन्यातील पहिल्या डावात त्याने 14 चौकार आणि 2 षटकारांच्या मदतीने 106 धावांची खेळी केली. तिसर्‍या दिवसाच्या सुरुवातीला बेअरस्टोची फलंदाजी खूपच संथ होती, पण विराट कोहलीसोबत झालेल्या जोरदार वादामुळे त्याच्या फलंदाजीत वेग आला. यानंतर बेअरस्टोने टीम इंडियाच्या गोलंदाजांची चांगलीच हजेरी घेतली. कोहली आणि बेअरस्टो यांच्यातील या वादाला भारताचा माजी सलामीवीर वीरेंद्र सेहवागने अनावश्यक म्हटले आहे. पुजारासारखा खेळत असलेल्या बेअरस्टोला कोहलीने स्लेज करून पंत बनवले.(kohli sledging bairstow)

सेहवागने ट्विटमध्ये लिहिले की, कोहलीच्या स्लेजिंगपूर्वी जॉनी बेअरस्टो 21 च्या स्ट्राइक रेटने खेळत होता आणि नंतर तो 150 च्या खेळायला लागला. तो पुजारासारखा खेळत होता, पण कोहलीने विनाकारण स्लेजिंग करून पंत बनवले. सेहवागशिवाय न्यूझीलंडचा अष्टपैलू खेळाडू जिमी निशमनेही कोहलीला ट्रोल केले. नीशम म्हणाला की बेअरस्टो चिडल्यावर 10 पट चांगला खेळतो.