इंग्लंड विरुद्धच्या तिसऱ्या कसोटी सामन्यातील चौथ्या दिवशी पुजाराच्या रुपात टीम इंडियाला मोठा धक्का बसला. ओली रॉबिन्सनच्या इनस्विंग चेंडू सोडण्याच्या नादात त्याने विकेट फेकली. चौथ्या दिवशीच्या खेळात 9 चेंडूचा सामना करणाऱ्या एकाही धावेची भर न घालता 91 धावांवर माघारी फिरला. पुजारा आणि कोहलीने 2 बाद 215 धावांवरुन टीम इंडियाच्या डावाला सुरुवात केली होती.
भारतीय संघाच्या दुसऱ्या डावातील 87 व्या षटकात अँडरसनच्या चेंडूवर विराट कोहलीच्या विरोधात जोरदार अपील झाली. अंपायरने कोहलीला बाद दिले. चेंडूंनं बॅटची कड घेतल्याचे वाटल्यामुळे विराटनेही मैदान सोडण्याची तयारी दर्शवली. पण नॉन स्ट्राइकला असलेल्या उपकर्णधार अजिंक्य रहाणेनं कर्णधार विराट कोहलीला थांबवले.
त्यानंतर विराटने त्याच्यासोबत चर्चा करत रिव्ह्युव्ह घेतला. आणि तो यशस्वीही ठरला. मैदानातील पंचांनी त्याला बाद दिले त्यावेळी तो 46 धावांवर खेळत होता. त्यानंतर चौकार खेचून कोहलीने अर्धशतक पूर्ण केले. पण त्यानंतर त्याने विकेट फेकली. ओली रॉबिन्सनच्या चेंडू खेळताना त्याच्याकडून मोठी चूक झाली आणि तो झेलबाद झाला.
कर्णधार विराट कोहलीनं मैदानात सोडल्यानंतर उपकर्णधारही त्याच्या पाठोपाठ माघारी फिरला. अँडरसनने अजिंक्य रहाणेला अवघ्या 10 धावांर माघारी धाडले. टीम इंडियाचा अर्धा संघ तंबूत परतला. युवा यष्टीरक्षक फलंदाज रिषभ पंत टीम इंडियाच्या खात्यात अवघ्या 1 धावेची भर घालून माघारी परतला. चौथ्या दिवशीच्या खेळातील पहिल्या 12 षटकांच्या खेळात 24 धावांत टीम इंडियाने चार महत्त्वाच्या विकेट्स गमावल्या. त्यामुळे टीम इंडियाच्या अडचणी वाढल्या असून संघावर डावाने पराभूत होण्याची नामुष्की ओढावण्याची चिन्हे दिसत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
