T-20 World Cup India vs Netherlands : टी-20 विश्वचषक मध्ये भारत आणि नेदरलँड्स यांच्यात सिडनीच्या मैदानावर सामना खेळला गेला. भारतीय संघाने हा सामना 57 धावांनी सहज जिंकला. या सामन्यादरम्यान एकीकडे भारतीय खेळाडू दमदार कामगिरी करत असतानाच दुसरीकडे एक अद्भुत पाहायला मिळाला. लाइव्ह मॅचदरम्यान मॅच एन्जॉय करण्यासाठी आलेल्या एका चाहत्याने आपल्या मैत्रिणीला प्रपोज केले, ज्याचा व्हिडिओ सध्या सोशल मीडियावर व्हायरल होत आहे.
टी-20 विश्वचषकच्या नेदरलँडच्या डावाच्या 7 व्या षटकात ही घटना पाहिली. नेदरलँड संघाने 2 विकेट गमावल्या होत्या. इतक्यात कॅमेरामनने कॅमेरा स्टँडकडे वळवला. यादरम्यान एक क्रिकेट चाहता आपल्या मैत्रिणीला तिच्या गुडघ्यावर बसून प्रपोज करताना दिसला, ज्याला मुलीने हो म्हणत उत्तर दिले. ज्याचा व्हिडिओ सोशल मीडियावर मोठ्या प्रमाणात व्हायरल होत आहे.
भारताने दुसऱ्या सामन्यात नेदरलँडविरूद्ध 20 षटकात 2 बाद 179 धावा केल्या. भारताची रन मशिन पुन्हा एकदा भरात आली. भारताचा कर्णधार रोहित शर्माने देखील 53 धावांची अर्धशतकी खेळी केली. मात्र सलामीवीर केएल राहुलला नेदलँडविरूद्ध देखील मोठी खेळी करण्यात अपयश आहे. तो 9 धावा करून बाद झाला. विराट कोहलीने 44 चेंडूत नाबाद 62 धावांची तर सूर्यकुमार यादवने 25 चेंडूत 51 धावांची अर्धशतकी खेळी केली. विराट आणि सूर्याने तिसऱ्या विकेटसाठी 48 चेंडूत नाबाद 95 धावांची भागीदारी रचली. प्रत्युत्तरात नेदरलँडचा संघ 20 षटकांत 9 गडी गमावून केवळ 123 धावा करू शकला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
