India vs New Zealand 1st T20I : जयपूरच्या स्टेडियमवर रंगलेल्या टी२० सामन्यात मार्टिन गप्टिल आणि मार्क चॅपमॅन जोडीने न्यूझीलंडला दमदार सुरुवात मिळवून दिली. भारताचा कर्णधार रोहित शर्माने टॉस जिंकून प्रथम गोलंदाजीचा निर्णय घेतला होता. भुवीने डॅरेल मिशेलला शून्यावर बाद केले पण त्यानंतर गप्टिल आणि चॅपमॅन जोडीने दुसऱ्या विकेटसाठी १०९ धावांची भागीदारी केली. या सामन्यात टी२० क्रिकेटमध्ये पहिल्यांदाच एक गोष्ट घडली.
मार्क चॅपमॅनने ५० चेंडूत ६ चौकार आणि २ षटकारांच्या मदतीने ६३ धावांची धमदार खेळी केली. त्याच्या खेळीने वेग पकडला होता, पण रविचंद्रन अश्विनने त्याच्या खेळीला ब्रेक लावला. दोन वेगवेगळ्या आंतरराष्ट्रीय संघाकडून खेळताना अर्धशतक ठोकणारा तो टी२० क्रिकेटच्या इतिहासातील पहिला फलंदाज ठरला. याआधी त्याने हाँगकाँगच्या संघाकडून खेळताना ओमानविरूद्ध २०१५ साली नाबाद ६३ धावा केल्या होत्या. त्यानंतर बुधवारी न्यूझीलंडकडून खेळताना त्याने अर्धशतकी खेळी केली.
चॅपमॅन व्यतिरिक्त पहिल्या टी२० सामन्यात न्यूझीलंडकडून अनुभवी मार्टीन गप्टीलनेही चांगली खेळी केली. ४२ चेंडूत त्याने ३ चौकार आणि ४ षटकार खेचत ७० धावांची खेळी केली. भारताच्या संघाला मात्र सामन्यात एकच अर्धशतकवीर मिळाला. कर्णधार रोहित शर्माला ४८ धावांवर बाद व्हावे लागले. त्याने ३६ चेंडूत ५ चौकार व २ षटकारांच्या साथीने धावा जमवल्या. पण त्यानंतर सूर्यकुमारने दमदार खेळ केला. त्याने ४० चेंडूत ६ चौकार आणि ३ षटकारांच्या मदतीने ६२ धावा केल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
