न्यूझीलंड विरुद्धच्या कसोटी सामन्यात विराट कोहलीला नावाला साजेसा खेळ करता आला नाही. पहिल्या डावात त्याला खातेही उघडता आले नाही. तर दुसऱ्या डावात तो 36 धावांवर माघारी फिरला. कमबॅकमध्ये त्याच्या या फ्लॉपशोनंतरही विराट कोहलीच्या नावे खास विक्रमाची नोंद झालीये. भारतीय संघाने मुंबई कसोटी सामन्यात 372 धावांनी विजय नोंदवत मालिका 1-0 अशी खिशात घातली. भारतीय संघाच्या मोठ्या विजयानंतर कोहलीच्या नावे विक्रमाची नोंद झालीये.
क्रिकेटच्या आतापर्यंतच्या इतिहासात कोणालाही जमलं नाही ते विराट कोहलीनं करुन दाखवलंय. क्रिकेटच्या तिन्ही प्रकारात खेळताना 50 किंवा त्यापेक्षा अधिक सामने जिंकणारा तो क्रिकेटर ठरलाय. मुंबई कसोटी सामन्यात भारतीय संघाने विजय मिळवल्यानंतर कोहली खास अर्धशतक पूर्ण झालं. बीसीसीआयने ट्विटच्या माध्यमातून त्याला या विक्रमी कामगिरीच्या शुभेच्छा दिल्या आहेत. आंतरराष्ट्रीय क्रिकेटमधील सर्व प्रकारात 50 सामने जिंकणाऱ्या कोहलीचे अभिनंदन!, असे ट्विट बीसीसीआयने केले आहे.
मुंबई कसोटी सामन्यातील भारतीय संघाचा विजय हा कोहलीसाठी 50 वा ठरला. यापूर्वी त्याने वनडे आणि टी20 आंतरराष्ट्रीय सामन्यात 50 पेक्षा अधिक सामने जिंकले होते.
कोहलीची विक्रमी कामगिरी
कसोटीत- 97 सान्यात 50 विजय (2011-2021)
वनडेत- 254 सामन्यात 153 विजय (2008-2021)
टी 20I - - 95 सामन्यात 59 विजय (2010-2021)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
