Asia Cup 2023 Updated Points Table Super 4 : किंग कोहली आणि जिगरबाज के एल राहुल यांनी झळकावलेल्या चमकदार शतकांच्या जोरावर आणि केलेल्या नाबाद द्विशतकी भागीदारीच्या जोरावर साडेतीनशे धावांचा डोंगर उभा करणाऱ्या भारताने गोलंदाजी करतानाही पाकला शरण आणले.
आशिया कप स्पर्धेत सलग दोन दिवस चाललेल्या सामन्यात भारतीयांनी 228 धावांनी विजय मिळवून सुपर फोरमध्ये शानदार सुरुवात केली. भारताचा आज श्रीलंकेविरुद्ध सामना होणार आहे.
रोहित शर्माच्या नेतृत्वाखालील भारतीय संघाने आशिया कप 2023 च्या सुपर-4 फेरीच्या गुणतालिकेत पाकिस्तानचा पराभव करून आपले खाते उघडले आहे. भारताने चालू टप्प्यातील पहिला सामना खेळला आणि 228 धावांनी ऐतिहासिक विजय नोंदवला. हा भारताचा एकदिवसीय क्रिकेटमधील पाकिस्तानविरुद्धचा सर्वात मोठा विजय आहे. नेट रन रेटच्या बाबतीत भारताला मोठा फायदा झाला आहे. त्याचबरोबर पाकिस्तानचे मोठे नुकसान झाले आहे.
पाकिस्तानविरुद्धच्या विजयानंतर टीम इंडियाला 2 गुण मिळाले. श्रीलंका आणि पाकिस्तानचेही प्रत्येकी दोन गुण आहेत. तथापि, रोहित ब्रिगेडचा नेट रन रेट (+4.594) श्रीलंका-पाकिस्तानपेक्षा खूपच चांगला आहे, ज्यामुळे संघ सुपर-4 गुणांच्या टेबलमध्ये अव्वल स्थानावर आहे.
पाकिस्तान पहिल्या स्थानावरून तिसऱ्या स्थानावर घसरला आहे. पाकिस्तानचा नेट रन रेट (-1.892)आहे. श्रीलंकेचा निव्वळ धावगती +0.420 आहे आणि ते दुसऱ्या स्थानावर आहेत. सलग दोन पराभवांमुळे बांगलादेश (0.749) तळाच्या चौथ्या स्थानावर आहे. बांगलादेश स्पर्धेतून बाहेर आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
