Sa vs Ind ODI : ऋतुराज पहिल्या वनडेतून बाहेर, 3 खेळाडू करणार पदार्पण; हे आहे भारताची प्लेइंग-11?

South Africa vs India 1st ODI Team India Playing 11 : 2023 वर्ल्ड कप फायनलमधील पराभवानंतर टीम इंडिया आजपासून वनडे क्रिकेटला सुरूवात करणार आहे. वर्ल्ड कपनंतर भारतीय संघ प्रथमच वनडे खेळताना दिसणार आहे.

भारत आणि दक्षिण आफ्रिका यांच्यातील तीन सामन्यांच्या वनडे मालिकेला आजपासून सुरुवात होणार आहे. पहिला सामना जोहान्सबर्ग येथे भारतीय वेळेनुसार दुपारी 1.30 वाजता होणार आहे. जाणून घ्या पहिल्या वनडेत टीम इंडियाचे प्लेइंग इलेव्हन कसे असू शकतात.

क्रिकबझच्या वृत्तानुसार, सलामीचा फलंदाज ऋतुराज गायकवाड पहिला वनडे खेळणार नाही. गायकवाडला ताप आहे आणि त्यामुळे पहिल्या वनडेत तो टीम इंडियाचा भाग नसल्याचं या अहवालात सांगण्यात आलं आहे. अशा स्थितीत गायकवाडच्या जागी रजत पाटीदार डावाची सुरुवात करू शकतो.

पहिल्या वनडेत तीन खेळाडू पदार्पण करणार?

दक्षिण आफ्रिकेविरुद्धच्या पहिल्या वनडेमध्ये तीन भारतीय खेळाडू पदार्पण करू शकतात. यामध्ये स्टार फिनिशर रिंकू सिंग आणि सलामीवीर साई सुदर्शन आणि रजत पाटीदार यांचा समावेश आहे. हे तिन्ही खेळाडू पहिल्या वनडेत पदार्पण करू शकतात.

पहिल्या एकदिवसीय सामन्यापूर्वी झालेल्या पत्रकार परिषदेत कर्णधार केएल राहुलने स्पष्ट केले आहे की, तो विकेटकीपिंग करताना दिसणार आहे. संजू सॅमसन मधल्या फळीत फलंदाजी करताना दिसणार असल्याचे संकेतही त्याने दिले. अशा स्थितीत राहुल चौथ्या क्रमांकावर आणि सॅमसन पाचव्या क्रमांकावर खेळणार आहेत.

साई सुदर्शन आणि रजत पाटीदार पहिल्या वनडेत डावाची सुरुवात करू शकतात. यानंतर श्रेयस अय्यर तिसऱ्या क्रमांकावर आणि कर्णधार केएल राहुल चौथ्या क्रमांकावर खेळणार आहे. यानंतर संजू सॅमसन आणि रिंकू सिंग.

गोलंदाजीबद्दल बोलायचे झाले तर अक्षर पटेल आणि कुलदीप यादवच्या रूपात दोन फिरकी गोलंदाज असतील. मुकेश कुमार, आवेश खान आणि अर्शदीप सिंग या तीन वेगवान गोलंदाज प्लेइंग इलेव्हनचा भाग असतील.

पहिल्या वनडेत भारताचे संभाव्य प्लेइंग इलेव्हन : साई सुदर्शन, रजत पाटीदार, श्रेयस अय्यर, केएल राहुल (कर्णधार आणि यष्टिरक्षक), संजू सॅमसन, रिंकू सिंग, अक्षर पटेल, कुलदीप यादव, मुकेश कुमार, आवेश खान आणि अर्शदीप सिंग.