Wi vs Ind : कोहलीला भेटल्यानंतर 'या' खेळाडूची आई लागली रडायला, व्हिडिओ पाहून तुम्हीही व्हाल भावूक

Ind vs Wi 2nd Test : भारत आणि वेस्ट इंडिज यांच्यात दोन सामन्यांच्या कसोटी मालिकेतील शेवटचा सामना खेळला जात आहे. या मालिकेत टीम इंडिया 1-0 ने आघाडीवर आहे. या सामन्यात टीम इंडियाने प्रथम फलंदाजी करताना 438 धावा केल्या. यादरम्यान टीम इंडियाचा स्टार फलंदाज विराट कोहलीने सर्वात मोठी खेळी खेळली. या सामन्यात त्याने आपले 76 वे आंतरराष्ट्रीय शतक झळकावले.

विराट कोहलीसाठी हा क्षण खूप खास होता. त्याने आपल्या 500 व्या आंतरराष्ट्रीय सामन्यात शतक झळकावले. तसेच अशी कामगिरी करणारा तो जगातील पहिला खेळाडू ठरला आहे. विराट कोहलीने पुन्हा एकदा आपल्या खेळीने चाहत्यांची मने जिंकली. सामना संपल्यानंतर त्याला भेटल्यानंतर एका खेळाडूची आई रडू लागली. विराट कोहलीला पाहण्यासाठीच ती स्टेडियममध्ये आली होती.

विराट कोहलीने 500 व्या आंतरराष्ट्रीय सामन्यात 121 धावा केल्या. सामन्यादरम्यान वेस्ट इंडिजच्या यष्टीरक्षकाने विराट कोहलीला सांगितले होते की, त्याने या सामन्यात शतक झळकावे अशी माझी इच्छा आहे. त्याची आई फक्त विराट कोहलीला पाहण्यासाठीच स्टेडियममध्ये आली आहे.

विराट कोहलीला पाहण्यासाठी स्टेडियममध्ये आलेल्या जोशुआ दा सिल्वाच्या आईने आपल्या मुलाला आधीच सांगितले होते की, ती फक्त विराट कोहलीसाठीच स्टेडियममध्ये येत आहे. आता त्याचे आणखी एक स्वप्न पूर्ण झाले आहे. सामना संपल्यानंतर जोशुआ दा सिल्वाच्या आईने विराट कोहलीची भेट घेतली आणि भेटल्यानंतर ती खूप भावूक झाली. विरोधी संघातील खेळाडू असोत किंवा त्यांच्या कुटुंबातील सदस्य, सगळेच विराट कोहलीचे चाहते आहेत.

विराट कोहलीला भेटण्यासाठी स्टेडियममध्ये पोहोचलेल्या जोशुआ दा सिल्वाच्या आईने त्याला मिठी मारली आणि त्याच्या शानदार फलंदाजीसाठी त्याचे अभिनंदन केले. विराट कोहलीला भेटल्यानंतर त्याच्या आईने सांगितले की, ती आणि तिचा मुलगा जोशुआ विराट कोहलीचे मोठे चाहते आहेत. तो त्याच्यासाठी खूप मोठा क्षण होता. विराट आपल्या देशात क्रिकेट खेळतोय ही खूप मोठी गोष्ट आहे, असेही त्याच्या आईने सांगितले. याशिवाय बीसीसीआयने आपल्या सोशल मीडियावर विराट कोहलीबाबत एक व्हिडिओही शेअर केला आहे. या व्हिडिओमध्ये चाहते विराट कोहलीच्या फलंदाजीचे कौतुक करताना दिसत आहेत.