FIH Hockey Stars Awards: आंतरराष्ट्रीय हॉकी फेडरेशनने २०२४ वर्षासाठी हॉकी स्टार पुरस्कारांसाठी नामांकने जाहीर केली आहेत. तीन विभागातील पुरस्कारांमध्ये मिळून भारताच्या दोन खेळाडूंचा समावेश आहे. भारतीय हॉकी संघाचा कर्णधार हरमनप्रीत सिंग आणि माजी गोलकिपर पीआर श्रीजेस यांना नामांकने मिळाली आहेत.
हरमनप्रीतला वर्षातील सर्वोत्तम खेळाडू या पुरस्कारासाठी नामांकन मिळाले आहे, तर पीआर श्रीजेशला वर्षातील सर्वोत्तम गोलकिपर पुरस्कारासाठी नामांकन मिळाले आहे. महिलांच्या विभागात मात्र एकाही भारतीय खेळाडूला नामांकन मिळालेले नाही.
सर्वोत्तम पुरुष खेळाडूचा पुरस्कार जिंकण्यासाठी हरमनप्रीतबरोबर नेदरलँड्सचे थिरी ब्रिंकमन व जोप दे मोल, इंग्लंडचा झॅश वेलास आणि जर्मनीचा हॉनस म्युलर हे शर्यतीत आहेत.
तसेच सर्वोत्तम पुरुष गोलकिपर पुरस्कार जिंकण्यासाठी पीआर श्रीजेशसह स्पेनचा लुईस काल्झाडो, अर्जेंटिनाचा थॉमस सँटियागो, नेदरलँड्सचा पिर्मिन ब्लाक आणि जर्मनीचा जीन-पॉल डॅनबर्ग हे शर्यतीत आहेत.
