Sports News on 15th October 2024: भारतीय संघाचे ट्वेंटी-२० वर्ल्ड कपमधील आव्हान संपुष्टात ते कोल्हापूरच्या कन्येने जिंकले रौप्यपदक

T20 World Cup 2024 To ISSF World Cup Final 2024: भारतीय संघाचे महिला ट्वेंटी-२० वर्ल्ड कपमधील आव्हान संपुष्टात आले आहे. इंग्लंडविरूद्ध दुसऱ्या कसोटी सामन्यात बाबर आझमच्या जागी पाकिस्तान संघात स्थान देण्यात आलेल्या कामरान घुलामने पदार्पण डावातच शतक झळकावले. २०२३ वर्ल्ड कपदरम्यान बांगलादेशच्या क्रिकेटपटूला कानाखाली मारल्यामुळे मुख्य प्रशिक्षक चंडिका हथुरुसिंघा यांना निलंबित करण्यात आले आहे. नेमबाज सोनम उत्तम मस्करने ISSF World Cup Final 2024 स्पर्धेत १० मीटर एअर रायफलमध्ये रौप्यपदक जिंकले आहे...आजच्या दिवसभरातील क्रीडा विश्वातील टॉप १० बातम्या जाणून घेऊया..

T20 World Cup 2024 : भारतीय महिला संघाने ऑस्ट्रेलियाविरूद्धचा सामना गमवल्यानंतर ट्वेंटी-२० वर्ल्ड कपमध्ये उपांत्य फेरी गाठण्याचे गणित पाकिस्तान संघावर अवलंबून होते. पण, काल पाकिस्तान संघ न्युझीलंडविरूद्धच्या सामन्यात पराभूत झाला. त्यामुळे भारतीय संघाचे महिला ट्वेंटी-२० वर्ल्ड कपमधील आव्हान संपुष्टात आले आहे व 'अ' गटातून ऑस्ट्रेलियासोबत न्युझीलंड संघ उपांत्या फेरीमध्ये दाखल झाला आहे. सविस्तर बातमीसाठी क्लिक करा.

ISSF World Cup Final 2024: नेमबाज सोनम उत्तम मस्करने ISSF World Cup Final 2024 स्पर्धेत भारताला १० मीटर एअर रायफलमध्ये रौप्यपदक जिंकून दिले. २२ वर्षीय सोनमने अंतिम फेरीत २५२.९ गुणांसह रौप्यपदक मिळवले. चीनच्या युटींग हुआंगने सुवर्णपदक जिंकले, तर फ्रान्सच्या ओसिने मुलरला कांस्यपदकावर समाधान मानावे लागले. सोनम मस्कर कोल्हापूरची कन्या असून तिने आंतरराष्ट्रीय पातळीवर महाराष्ट्राची व देशाची मान अभिमानाने उंचावली आहे. सविस्तर बातमीसाठी क्लिक करा.

Bangladesh Cricket: भारताविरूद्धच्या कसोटी व ट्वेंटी-२० मालिकेत बांगलादेशचा एकतर्फी पराभव झाल्यानंतर अचानक बांगलादेशचे मुख्य प्रशिक्षक चंडिका हथुरुसिंघा यांना मुख्य प्रशिक्षकपदावरून निलंबित करण्यात आले आहे. भारतात झालेल्या २०२३ च्या वर्ल्ड कपदरम्यान बांगलादेशच्या क्रिकेटपटूला कानाखाली मारल्यामुळे हथुरुसिंघाला निलंबित करण्यात आले आहे, अशी काही अहवालांद्वारे माहिती समोर येत आहे. तर बांगलादेश क्रिकेट बोर्डाने हथुरुसिंघा यांना कारणे दाखवा नोटीस बजावली आहे. सविस्तर बातमीसाठी क्लिक करा.