IND vs BAN : टीम इंडियाच्या प्लेइंग-11 मध्ये मोठा बदल! 3 स्पिनर्ससह का उतरली मैदानात ?

India vs Bangladesh Test Series Playing XI : भारत आणि बांगलादेश यांच्यातील दोन सामन्यांच्या कसोटी मालिकेतील पहिला सामना चितगाव येथे खेळल्या जात आहे. आज स्पर्धेचा पहिला दिवस आहे. जागतिक कसोटी चॅम्पियनशिपच्या दृष्टिकोनातूनही ही मालिका भारतासाठी खूप महत्त्वाची आहे. टीम इंडियाला दोन्ही सामने जिंकून अंतिम फेरी गाठण्याची आशा जिवंत ठेवायची आहे.

भारतीय संघाचा कार्यवाहक कर्णधार KL राहुलने पहिल्या कसोटी सामन्यात नाणेफेक जिंकून प्रथम फलंदाजी करण्याचा निर्णय घेतला आहे. भारतीय प्लेइंग इलेव्हनमध्ये कुलदीप यादवसह 3 फिरकीपटूंचा समावेश करण्यात आला आहे, बांगलादेशविरुद्धच्या कसोटी मालिकेसाठी जयदेव उनाडकटला तब्बल 12 वर्षांनंतर भारतीय संघात संधी मिळाली. पण व्हिसा मिळण्यास उशीर झाल्यामुळे तो आतापर्यंत बांगलादेशला पोहोचू शकला नाही, त्यामुळे तो पहिल्या कसोटीच्या प्लेइंग इलेव्हनमधून बाहेर आहे. उनाडकटच्या अनुपस्थितीत वेगवान गोलंदाजीची जबाबदारी मोहम्मद सिराज आणि उमेश यादव यांच्या खांद्यावर असेल.

जागतिक कसोटी अजिंक्यपद स्पर्धेपूर्वी भारताला एकूण 6 कसोटी सामने खेळायचे आहेत. टीम इंडियाला यापैकी किमान 5 कसोटी सामने जिंकावे लागतील. दुसरीकडे यजमान बांगलादेश संघ एकदिवसीय मालिका जिंकल्यानंतर आत्मविश्वासाने भरलेला आहे. मात्र कसोटी मालिकेत शाकिब अल हसन त्याच्याकडून संघाची धुरा सांभाळणार आहे.

बांगलादेशविरुद्धच्या पहिल्या कसोटीतून कुलदीप यादवचे टीम इंडियात पुनरागमन झाले आहे. विशेष म्हणजे आज कुलदीप यादवचाही वाढदिवस आहे. कुलदीपशिवाय संघात अश्विन आणि अक्षर पटेल हे आणखी दोन फिरकी गोलंदाज आहेत.

• भारताची प्लेइंग इलेव्हन : शुभमन गिल, केएल राहुल (क), चेतेश्वर पुजारा, विराट कोहली, श्रेयस अय्यर, ऋषभ पंत (विकेटकीपर), रविचंद्रन अश्विन, अक्षर पटेल, कुलदीप यादव, मोहम्मद सिराज, उमेश यादव

• बांगलादेश प्लेइंग इलेव्हन : झाकीर हसन, नजमुल हुसेन शांतो, लिटन दास, शकीब अल हसन (क), मुशफिकुर रहीम (विकेटकीपर), यासिर अली, नुरुल हसन, मेहदी हसन मिराज, तैजुल इस्लाम, खालिद अहमद आणि इबादत हुसेन.